USD 434.24 EUR 492.69
RUB 5.67 CNY 68.46
Jańalyqtar

Астана форматында Сирия жөніндегі жоғары деңгейде кездесу өтеді

2021 жылғы 7 желтоқсан 16:30
Бөлісіңіз:
Астана форматында Сирия жөніндегі жоғары деңгейде кездесу өтеді

НҰР-СҰЛТАН ҚазАқпарат – 21-22 желтоқсан күндері елордада Астана форматындағы Сирия жөнінде жоғары деңгейдегі кездесу өтеді, деп хабарлайды ҚазАқпарат тілшісі.

«Кездесу 21-22 желтоқсан күндері офлайн форматында өтеді. Оған барлық тарап қатысатындығын растады», - деді ҚР Сыртқы істер министрлігінің ресми өкілі Айбек Смадияров.

Оның атап өтуінше, жүзбе-жүз кездесуге кепілгер елдер – Ресей, Түркия және Иран, сонымен қатар байқаушылар қатысатын болады.

Айта кетейік, Астана форматындағы Сирия бойынша 16-ші халықаралық кездесу осы жылың 8 шілдесінде өткен болатын. Кездесу қорытындысында Астана форматындағы келіссөздің кепілгер елдері Иран Ислам Республикасы, Ресей Федерациясы және Түркия Республикасының бірлескен мәлімдемесі қабылданған еді.

Онда: «Иордания, Ирак және Ливан делегацияларының, Біріккен Ұлттар Ұйымы мен Халықаралық қызыл крест ұйымы өкілдерінің Астана форматындағы байқаушылар ретінде қатысуын ризашылықпен атап өттік. Қазақстан билігіне Нұр-Сұлтан қаласында Астана форматындағы Сирия бойынша 16-шы халықаралық кездесуді өткізгені үшін шынайы алғысымызды білдірдік», - делінген.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT