«Астана» - АПОЭЛ: елордалық ұжым жылдам гол соқты

  АСТАНА. ҚазАқпарат - Бүгін «Астана Арена» стадионында елордалық ұжым Еуропа лигасы іріктеу кезеңінің плей-офф раунды аясында Кипрдің АПОЭЛ командасымен ойнап жатыр, деп хабарлайды ҚазАқпарат тілшісі.

Никосияда өткен алғашқы кездесудегі жеңілістен кейін, Григорий Бабаян шәкірттері бүгін қалайда жеңіске жетуі тиіс болғаны өздігінен түсінікті. Дегенмен, елордалық ұжым ә дегеннен шабуылға лап қойған жоқ. Есесіне, кипрліктердің ойыны біршама ширақтау көрінді.

Ойында «Астана» есеп ашты. 15-ші минутта қауіпті шабуылдардың бірінде айып алаңының ішінде қонақтар ойыншысы Карлаудың қолына доп тиіп, төреші пенальти белгіледі. 11 метрлік нүктеден Педро Энрике қателескен жоқ. 1-тайм 1:0 есебімен аяқталды.