Қолданушы баптаулары
Қолданушы баптаулары
+7 (701) 759 90 19 Лента
USD 368.28 EUR 419.21
RUB 5.59 CNY 53.08
Jańalyqtar

Астана әкімі елорданың жылыту маусымына дайындығын тексерді

2018 жылғы 15 қыркүйек 21:49 778
Бөлісіңіз:
Астана әкімі елорданың жылыту маусымына дайындығын тексерді

АСТАНА. ҚазАқпарат - Бүгін Астана әкімі Бақыт Сұлтанов көшпелі отырыс өткізді және қаланың тыныс-тіршілігіне жауапты қалалық коммуналдық кәсіпорындарға барды, оның ішінде - «АРЭК» АҚ, «Астана су арнасы», ЖЭО-2 мекемелері бар, деп хабарлайды ҚазАқпарат қала әкімдігінің сайтына сілтеме жасап.

Ұқсас жаңалықтар
Қазақстандағы жасыл технологиялар енгізілген үздік жобалар қандай Астанада пәтерлерге жылу қашан беріледі

Қаланың тіршілігіне жауапты негізгі коммуналдық кәсіпорындардың жұмысы туралы әкімнің орынбасары Қосман Айтмұхаметов баяндады. Аралау барысында Б. Сұлтанов «АРЭК» АҚ, «Астана су арнасы» және ЖЭО-2-ге барды.

Қ. Айтмұхаметовтің айтуынша, қазіргі таңда қаланы жылу маусымына дайындау жұмыстары аяқталуға жақын. Тұрғын үйлер мен әлеуметтік нысандардың жылуға дайындығы 97 % құрайды. 12 км су құбыры және 5 км кәріз желісі қайта жөндеуден өтті.

Бақыт Сұлтанов осы жұмыстарды ерекше бақылауға алуды тапсырды. «Біздің жұмысымызды тұрғындар қызмет көрсету сапасы арқылы бағалайды. Біз барынша қолайлы жағдай жасауымыз керек, әсіресе жылу маусымы кезінде. Су, жылу, жарық үзіліссіз берілу керек», - деді Б. Сұлтанов.


Астана әкімі елорданың жылыту маусымына дайындығын тексердіСондай-ақ әкім қалалық «iKomek» жедел әрекет ету орталығының жұмысымен танысты. Бүгінде «iKomek» орталығы дер кезінде кемшіліктерді жоюды үйлестіріп отыратын құрал ретінде әрекет етеді және қаланың тыныс-тіршілігіне мониторинг, талдау жасайды. Тұрғындардың 77% арыз-шағымы бірінші қоңыраудан-ақ шешімін тауып, аталмыш көрсеткішті 85% дейін жеткізу жоспарлануда. Бұл туралы Б. Сұлтановқа орталықтың басшысы Жанат Дубирова айтып берді.


Астана әкімі елорданың жылыту маусымына дайындығын тексердіКезекті аралаудың соңында Б. Сұлтанов № 27 көшедегі жол құрылысы мен жөндеу жұмыстары бойынша көшпелі кеңес өткізді. Бүгінде Астана қаласының жол-көше желісі 1 039 көшеден құралады, оның жалпы ұзындығы 1 102,32 км, оның 837,82 км (немесе 76%) асфальтбетон төселген, қатты жабындысыз төсем - 264,5 км (24 %). Инженерлік кешен 8 көлік жол айырығынан, 17 автожол көпірінен, 5 жаяу жүргіншілер көпірінен, 9 өтпежолдан тұрады.

Қ. Айтмұхаметовтің айтуынша, ұзындығы 71,8 шақырым 98 көшені салып, жөндеу жоспарланған, оның ішінде 22 магистральді қала көшелері, ұзақтығы 20,8 км және 65 көше, ұзындығы 35,3 км тұрғын алаптарында салынды. Орташа жөндеу жұмыстары барысында 15,7 км жолдың 11 көшесіне төсем жасалынды. Б. Сұлтанов құрылыстың қарқынын жылдамдатып, алғашқы суық түскенше жолдарды мерзімінде беруді тапсырды.

 

 

Біздің каналымызға жазылыңыз:

Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT