+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Әскери бөлімнен ұрланған қару-жарақтар толығымен табылды – ҚР ІІМ

2020 жылғы 27 ақпан 17:11
Бөлісіңіз:
Әскери бөлімнен ұрланған қару-жарақтар толығымен табылды – ҚР ІІМ

ТҮРКІСТАН. ҚазАқпарат – Түркістан облысының әскери бөлімінен қару-жарақтарды ұрлап қашқан әскери қызметшінің төртінші сыбайласы ұсталды. Сондай-ақ ұрланған қару толық көлемде табылды, деп хабарлайды ҚазАқпарат Polisia.kz сайтына сілтеме жасап.

«Бүгін ҚР Ішкі істер министрлігі мен Ұлттық қауіпсіздік комитеті қызметкерлерінің жедел-тергеу тобы әскери бөлімнен қару ұрлаған кіші сержант А. Балғынбайдың төртінші сыбайласын ұстады.

Ер адам полициядан танысының үйінде жасырынып жүрген. Одан әскери бөлімнен ұрланған екі «Макаров» тапаншасы мен травматикалық тапанша тәркіленді.

Бұған дейін ведомствоаралық топ қызметкерлері әскери қызметшіден атыс қаруын сатып алған оның үш досын ұстаған болатын.

Қылмыс жасағаннан кейін барлық күдіктілер бөлініп, полициядан жасырынып жүрген. Сондықтан ұстау бірнеше аймақта: Алматы, Шымкент және Түркістан облыстарында жүргізілді. Жедел-іздестіру іс-шаралары барысында қылмысқа қатысы бар барлық адамдарды анықтап, ұстау ғана емес, сондай-ақ олар ұрланған барлық қаруды тәркілеуге мүмкіндік туды. Бұл - 29 «Калашников» автоматы және 28 «Макаров» тапаншасы, травматикалық тапанша және 2 дана пышақ. Бүгінгі таңда қаруды қылмыстық мақсатта пайдалану қаупі жоқ деп сеніммен айтуға болады», - делінген ақпаратта.

Атап өтілгендей, қылмыстық істер бойынша күдіктілер ретінде жалпы алғанда 8 адам жауапкершілікке тартылуда: төрт әскери қызметші (соның ішінде дивизион командирі) және А. Балғынбайдың сыбайластары – төрт азаматтық тұлға.

ҚР ІІМ Тергеу департаментінің әскери-тергеу басқармасы сотқа дейінгі тергеуді жалғастыруда.

Естеріңізге сала кетсек, 20 ақпан күні Түркістан облысында Әуе қорғанысы күштерінің әскери бөлімшесінде келісімшарт бойынша қызмет етіп жүрген кіші сержант А.Балғынбай кезекшілікті өз бетімен тастап шығып, біраз қару-жарақты ұрлап кеткен болатын. Сол күні ІІМ және ҰҚК қызметкерлерінің арнайы жедел тобы әскери қызметшіні қолға түсірді. Кейін, 24 ақпанда А.Балғынбайдың екі сыбайласы, 26 ақпанда тағы бір сыбайласы ұсталды. Қылмыстық істер қозғалды.




Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT