Асқар Жұмағалиев Германияның цифрландыру саласындағы ұсыныстарына қызығушылық білдірді

None
None
НҰР-СҰЛТАН. ҚазАқпарат - ҚР Цифрлық даму, қорғаныс және аэроғарыш өнеркәсібі министрі Асқар Жұмағалиев Германияның Қазақстандағы Төтенше және Өкілетті Елшісі Тило Клиннермен кездесті, деп хабарлайды «ҚазАқпарат» ХАА тілшісі.

Министрліктің баспасөз қызметінен мәлім еткендей, кездесуде тараптар қорғаныс өнеркәсібі және цифрлық даму салаларында ынтымақтастықты күшейту перспективаларын талқылады.

«Бізді Германияның цифрландыру, адам капиталын дамыту және инновациялық экожүйелер саласындағы тәжірибесі қызықтырады. Сіздің елде бұл бағыттар дамыған, біз германиялық компаниялардың экономиканың барша секторындағы, әсіресе цифрландыру саласындағы ынтымақтастық туралы ұсыныстарын қарауға әзірміз», - деді Асқар Жұмағалиев.

Тараптар өзара тиімді нәтижелерге жеткізетін ықпалдастықты одан әрі нығайту ниеттерін қуаттады.

Авторы Сара Қабиқызы

Соңғы жаңалықтар