+7 (701) 759 90 19
USD 389.34 EUR 428.78
RUB 6.05 CNY 55.45
Jańalyqtar

Асқар Жұмағалиев: Big Data саласында белсенді жұмыс істеуге ниеттіміз

2019 жылғы 28 қазан 22:51
Бөлісіңіз:
Асқар Жұмағалиев: Big Data саласында белсенді жұмыс істеуге ниеттіміз

НҰР-СҰЛТАН. ҚазАқпарат - Цифрландыру саласындағы әлемдік сарапшылар бас қосып, Big Data ауқымды деректерді өңдеу саласын дамытудың өзекті мәселелерін талқылады. Бұл ҚР Цифрлық даму, инновациялар және аэроғарыш өнеркәсібі министрі Асқар Жұмағалиев төрағалық еткен халықаралық сарапшылар кеңесінің алаңында өтті, деп хабарлайды ҚазАқпарат.

ҚР Цифрлық даму, инновациялар және аэроғарыш өнеркәсібі министрлігінің мәліметінше, ауқымды деректерді өңдеу мәселесінде ғылыми-техникалық, саяси көзқарасты зерттеумен айналысатын әлемдегі жетекші ұйымдардың өкілдері бұл саладағы барлық проблемаларды ашық көрсетіп, олардың шешу жолдарын ұсынды.

Мысалы, Ұлыбританияның жасанды интеллект бойынша Парламенттік тобының төрағасы Лорд Тим Клемент Джонс мәліметтерді сақтаудың маңыздылығын атап өтті.

«Дербес деректерді қорғау – бүгінгі күннің өзекті мәселесі. Азаматтардың Интернеттегі дербес деректері реттелмейді. Сол себепті, жеке деректердің сақталуына бақылауды күшейту өте маңызды», - деді сарапшы.

Дүниежүзілік банктің цифрлық даму тәжірибесінің жетекшісі Джейн Тредвел табысты шешімдер қабылдау үшін адами капиталды дамытудың маңыздылығын айтты.

«Деректерді сақтау мәселелерін реттейтін заңнамалық актілер күрделі. Сондықтан ауқымды деректермен жұмыс істеу кезінде тәуекелдерді нақты есептеу үшін ең алдымен цифрлық технологиялар нарығын нәтижелі зерделейтін сауатты кадрлар қажет», - дейді Джейн Тредвел.

БҰҰ-ның Цифрлық үкімет жөніндегі консалтингтік фирманың президенті және электронды үкімет және ақпаратты басқару мәселелері жөніндегі Бас кеңесшісі Ричард Кербидің пікірінше, «Деректерді дербес санатқа жатқызу мәселесінде нақты түсініктің болмауы да – талқыланатын маңызды проблемалардың бірі».

Сарапшылар «ауқымды деректерді» сақтау мен өңдеудің даму жолдарына қатысты ұсыныстарын білдіріп, күш-жігер мен мүмкіндіктерді біріктіру қажет деген ортақ пікірге келгенін айтып өткен жөн. Коллаборация әлемдік қауымдастық көздеген нәтижеге, атап айтқанда – дербес деректерді жан-жақты қорғау мен қауіпсіздікті қамтамасыз етуге қол жеткізуге мүмкіндік береді.


Асқар Жұмағалиев, өз кезегінде, кеңес мүшелеріне олардың ұсынған идеялары мен бастамалары үшін алғыс білдіріп, сарапшылардың ұсыныстары Big Data-мен одан әрі жұмыс істеу кезінде ескерілетініне сендірді.

«Қазақстан ауқымды мәліметтер саласында белсенді жұмыс істеуге ниетті. Тиісті заңнамалық базаны әзірлеп, жасанды интеллектпен жұмыс істеу бойынша бірқатар инновациялық жобаларды енгізетін боламыз. Сондықтан Сіздің ұсыныстарыңыз біздің жұмысымызды оңтайландыруға септігін тигізбек. Біз сындарлы идеялар мен тәжірибе алмасу үшін ашықпыз», - деп түйіндеді Асқар Жұмағалиев.

Сонымен қатар, форум аясында Асқар Жұмағалиев БҰҰ-ның электрондық үкімет және ақпаратты басқару мәселелері жөніндегі бұрынғы бас кеңесшісімен, сондай-ақ AngelsLabs, ACME және bValue Angels VC шетелдік венчурлік компаниялардың басшыларымен келіссөздер жүргізді. Кездесу барысында Қазақстан экономикасының инвестициялық тартымдылығы, ынтымақтастықтың өзара тиімді жолдары және Қазақстандағы инновациялық экожүйені одан әрі дамыту мәселелері талқыланды.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT