+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Асқар Мамин жұмысы баяу әкімдерді сынға алды

2019 жылғы 13 желтоқсан 09:44
Бөлісіңіз:
Асқар Мамин жұмысы баяу әкімдерді сынға алды

НҰР-СҰЛТАН. ҚазАқпарат – Үкімет басшысы Асқар Мамин жұмысы баяу әкімдіктерді сынға алды, деп хабарлайды ҚазАқпарат тілшісі.

«Елбасы Нұрсұлтан Назарбаев пен Мемлекет басшысы Қасым-Жомарт Тоқаев алдымызға экономиканың тұрақты өсімін қамтамасыз ету міндетін қойды. Биылғы жылдың 11 айының қорытындысын өткен жылдың осындай кезеңімен салыстырғанда жалпы ішкі өнім 4,4 пайызға өсті. Құрылыс – 12,1 пайызға, сауда-саттық – 7,5 пайызға, көлік саласы – 5,6 пайызға, өңдеуші сектор, соның ішінде машина жасау – 9 пайызға, автокөлік құрау – 64 пайызға, жеңіл өнеркәсіп 16,6 пайызға өскені байқалады. Салалық министрліктер мен өңірлердің басшыларына көрсеткіштерді жоспарлы деңгейге жеткізу үшін барлық қажетті шараны қабылдауды тапсырамын», - деді Асқар Мамин бүгінгі Үкімет отырысында.

Премьер-Министрдің айтуынша, жыл басынан бері экономиканың негізгі базалық өсу көрсеткіштері бойынша Ақтөбе, Жамбыл, Шығыс Қазақстан, Қарағанды және Түркістан облыстарының әкімдіктері жақсы жұмыс атқарған.

«Көрсеткіштері орташа және республикалық деңгейден төмен өңірлерге Қызылорда, Батыс Қазақстан, Қостанай, Маңғыстау облыстары мен Нұр-Сұлтан, Шымкент қалаларының әкімдеріне айтарым: сіздердің көрсеткіштеріңіз жыл қорытындысы бойынша елдегі орташа көрсеткішті төмендетеді. Тиісті қорытынды шығарып, нақты шараларды қабылдауларыңыз қажет. Орындалған жұмыстардың актілерін жыл соңына дейін тапсыруды қамтамасыз етіңіздер», - деді ол.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT