Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Асқар Мамин жас дәрігерлердің ауылда қалуына жағдай жасауды тапсырды

2019 жылғы 2 сәуір 10:09 581
Бөлісіңіз:
Асқар Мамин жас дәрігерлердің ауылда қалуына жағдай жасауды тапсырды

НҰР-СҰЛТАН. ҚазАқпарат - Бүгін Үкімет отырысында ҚР Премьер-Министрі Асқар Мамин өңір басшыларына жас дәрігерлер ауылда қалуы үшін нақты шаралар қабылдауды тапсырды, деп хабарлайды ҚазАқпарат тілшісі.

«Жас мамандардың ауылдарда тұрақты жұмыс істеп, елді мекендерде қалуын қамтамасыз ету мақсатында әлеуметтік қолдау көрсету мәселелерін қарастыруды тапсырамын. Мысалы, Солтүстік Қазақстан және Түркістан облыстарында жас мамандарға жоғары көтермеақы төленеді. Ал Батыс Қазақстан және Қарағанды облыстарында тұрғын үймен қамтамасыз ету жұмысы ұйымдастырылған», - деді Асқар Мамин.

Осы ретте Үкімет басшысы өңір әкімдеріне мұндай бастамаларға көңіл бөлу керектігін ескертті.

«Елбасының тапсырмасын тиімді орындау мақсатында алғашқы медициналық-санитарлық көмекті дамыту бойынша іс-шаралар жоспарын Үкімет деңгейіне көтеріп, бір айдың ішінде Премьер-Министр Кеңсесіне бекіту үшін енгізуді тапсырамын. Гүлшара Наушақызы, осы мәселені жеке бақылауыңызға алыңыз», - деді Премьер-Министр өзінің орынбасары Г.Әбдіқалықоваға қарата.

 

 

 

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT