Асқар Мамин жаңартылатын энергетика нысаны жоқ өңірлерді атады
«Өңірлер арасында жаңартылатын энергия көздерінің саны бойынша Алматы, Жамбыл және Шығыс Қазақстан облыстары алдыңғы қатарда. Сонымен қатар Батыс Қазақстан және Ақтөбе облыстарында бірде-бір жаңартылатын энергетика нысаны жоқ екендігін атап өту қажет. Бұл ретте әкімдіктер жаңартылатын энергетика көздері жобалары бойынша инвесторлармен белсенді жұмыс жүргізіп, өңірлердегі экологиялық жағдайды жақсарту мақсатында оларды көбірек қолдануы керек»,- деді Үкімет басшысы.
А.Мамин Қазақстан Париж келісіміне сәйкес міндеттемені ұстанатындығын және жаңартылатын энергия көздерін дамытатындығын баса айтты.
«Осыған орай Экология министрлі Париж келісіміне сәйкес міндеттемелердің орындалуын және қоршаған ортаға шығарындыларды азайту бойынша мониторинг жүргізуді қамтамасыз етсін», - деді ол.