+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Асқар Мамин Швейцария Президентімен келіссөздер өткізді

2019 жылғы 22 қараша 12:15
Бөлісіңіз:
Асқар Мамин Швейцария Президентімен келіссөздер өткізді

НҰР-СҰЛТАН. ҚазАқпарат - ҚР Премьер-Министрі Асқар Мамин Қазақстанға ресми сапармен келген Швейцарияның Федералды Президенті, Федералды Қаржы департаментінің министрі Ули Маурермен келіссөздер өткізді.

Ұқсас жаңалықтар
Асқар Мамин «Kazakh Invest» директорлар кеңесінің отырысын өткізді 20 жылдық: «Барыс» клубқа еңбек сіңірген ойыншыларға құрмет көрсетті Елордада QazaqGeography бірлестігінің V съезі өтті

«Швейцариямен бізді тұрақты әріптестік қарым-қатынастар байланыстырады. Мұндай өзара қарым-қатынастардың негізін Қазақстанның Тұңғыш Президенті – Елбасы Нұрсұлтан Назарбаев қалады. Мемлекет басшысы Қасым-Жомарт Тоқаев көпвекторлы сыртқы саясаттың сабақтастығын сақтайды және екіжақты ынтымақтастықты нығайтуға ерекше мән береді», — деді А. Мамин.


Швейцария Қазақстанның аса ірі сауда серіктестерінің ондығына және негізгі инвесторларының үштігіне кіреді. 2018 жылы тауар айналымы 3,1 млрд долларды, ал биылғы тоғыз айда 1,9 млрд долларды құрады. Осы жылдың бірінші жартыжылдығында көрсетілетін қызметтер саудасы өткен жылдың осындай кезеңімен салыстырғанда 40% артты.

2005 жылдан бері Швейцария Қазақстан экономикасына 24 млрд доллардан астам қаржы инвестициялады. ҚР-да швейцариялық капиталдың қатысуымен 324 компания тіркелген, оның ішінде «Glencore International AG», «Philip Morris», «Nestle», «Ammann Asphalt GmbH» және тағы басқалары бар. Швейцария бизнесі ауыл шаруашылығында, көлік және қаржы секторларында, тау-кен өндірісі және өңдеу өнеркәсібінде, көтерме-бөлшек саудада және тағы басқасында қамтылған.

Экономикалық серіктестікті нығайтуға Қазақстан – Швейцария Іскерлік кеңесі және сауда-экономикалық ынтымақтастығы жөніндегі Үкіметаралық комиссияның жұмысы ықпалын тигізеді.

«Қазақстан – Швейцарияның Орталық Азиядағы маңызды серіктесі. Біздің өзара іс-қимылымыз екіжақты форматта да, Дүниежүзілік банк пен Халықаралық валюта қоры аясында да дамып жатыр. Біз экономикалық ынтымақтастықты кеңейтуге және бірлескен инвестициялық жобаларды іске асыруға мүдделіміз», — деді У. Маурер.

Швейцариялық тарап Қазақстанда қолайлы инвестициялық ахуалдың және бизнесті дамыту үшін жағдайлардың бар екенін атап өтті, бұған Дүниежүзілік банктің «Doing Business» рейтингіндегі ҚР-дың позициялары дәлел бола алады.

Тараптар ауқымды бағыттар — сауда-экономикалық, инвестициялық, транзиттік-көлік, ауыл шаруашылығы, ақпараттық-коммуникациялық, цифрлық, туристік, зергерлік салаларда, фармацевтикада, денсаулық сақтау және білім беруде, жасыл экономика мен су шаруашылығы саласында, сондай-ақ АХҚО, Дүниежүзілік банк, ХВҚ, ДСҰ бойынша ынтымақтастық перспективаларын талқылады.

Швейцарияның Федералды Президенті У. Маурердің Қазақстанға ресми сапарының аясында Қазақстанның Тұңғыш Президенті – Елбасы Н. Назарбаевпен келіссөздер сондай-ақ, екі елдің іскерлік орталарының өкілдерінің қатысуымен дөңгелек үстел отырысын өткізу жоспарланған.

Бұған дейін хабарлағанымызда, осы уақытта Нұр-Сұлтан қаласында Мемлекет басшысы Қ.Тоқаев пен У. Маурердің кездесуі өтіп жатыр.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT