Асқар Мамин Президент Жолдауын іске асыру жайында: Бізден нақты нәтиже күтіледі
«Президент өз Жолдауында негізгі бес бағыт бойынша басты міндеттерді белгілеп берді. Мемлекет басшысының Жолдауын іске асыру жөніндегі ждалпыұлттық іс-шаралардың ұсынылып отырған жоспары берілген тапсырмалар негізінде дайындалды. Президент құжатты бекіткеннен кейін мемлекеттік органдар мен әкімдікте алға қойылған міндеттерді шешуге дереу кірісу керек», - деді ҚР Премьер-Министрі Асқар Мамин жалпыұлттық жоспардың жобасы таныстырылғаннан кейін.
Оның атап өтуінше, жалпыұлттық жоспардағы іс-шаралардың орындалуы бойынша бірінші басшыларға дербес жауапкершілік жүктеледі.
«Бізден нақты нәтиже күтілуде. Ұлттық экономика министрлігіне Премьер-Министрдің кеңсесімен бірлесіп, мақұлданған құжаттарды Мемлекет басшысының бекітуі үшін Президент әкімшілігіне шұғыл енгізуді тапсырамын», - деді Үкімет басшысы.