17:12, 08 Тамыз 2019 | GMT +6
Асқар Мамин Қырғызстанда Еуразиялық үкіметаралық кеңес отырысына қатысады
НҰР-СҰЛТАН. ҚазАқпарат - Ертең, 9 тамызда Қазақстан Республикасының Премьер-Министрі Асқар Мамин Шолпан-Ата қаласында (Қырғызстан) Еуразиялық үкіметаралық кеңес отырысына қатысады, деп хабарлайды ҚазАқпарат primeminister.kz-ке сілтеме жасап.
ЕАҮК отырысының күн тәртібінде ішкі нарықтың жұмыс істеуі, өнеркәсіптік кооперация, технологиялар трансфері, ауыл шаруашылығы, кедендік әкімшілендіру, көлік және логистика, трансшекаралық ақпараттық өзара іс-қимыл салаларында Одақ аясындағы интеграциялық процестерді одан әрі дамыту мәселелері қаралады.
Еуразиялық экономикалық одаққа мүше мемлекеттердің үкіметтерінің басшыларын Қырғызстан Республикасының Президенті Сооронбай Жээнбеков қабылдайды деп күтілуде.