+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Асқар Мамин Қазақстанда алғаш шығарылған «Кировец» тракторын айдап көрді

2019 жылғы 23 қазан 18:26
Бөлісіңіз:
Асқар Мамин Қазақстанда алғаш шығарылған «Кировец» тракторын айдап көрді

ҚОСТАНАЙ. ҚазАқпарат – ҚР Премьер-Министрі Асқар Мамин Қостанай облысының зауытында құрастырылған алғашқы тракторды сынақтан өткізіп көрді, деп хабарлайды ҚазАқпарат primeminister.kz сайтына сілтеме жасап.

Ұқсас жаңалықтар
ШЫҰ Үкіметтер басшыларының кеңесі: Асқар Маминнің Ташкентке сапарының қорытындысы Асқар Мамин Мәскеуде Дмитрий Медведевпен келіссөз өткізді Асқар Мамин Мәскеуде ТМД Үкімет басшылары Кеңесінің отырысына қатысты

Бұған дейін хабарлағанымыздай, Үкімет басшысы Қостанайдың Индустриялық аймағында орналасқан «Кировец» трактор зауытының салтанатты ашылуына қатысты.

«Қазақстан өз алдына ауыл шаруашылығы техникалары мен оның құрауыштарының жоғары технологиялық өндірістерін құру міндетін қояды. Бүгін біз аты аңызға айналған «Кировец» тракторының өндірісін іске қосамыз. Жаңа зауыт Қазақстанның ауыл шаруашылығы саласын елімізде құрастырылған «Кировец» сапалы әрі сенімді техникасымен қамтамасыз етеді», — деді А. Мамин.

Үкімет басшысы Қазақстанның ауыл шаруашылығы техникасының нарығын кеңейтуге, оны одан әрі экспорттауға, жергіліктендіру процестерін тереңдетуге және сервис деңгейін арттыруға мүдделі екенін атап өтті.

«Қазақстанда «Кировец» энергия тиімді тракторларының заманауи өндірісін ашу отандық машина жасау саласын дамыту стратегиясына сәйкес келеді. Аталған жобаны бастау өнімділігі жоғары жаңа жұмыс орындарын құруға, ауыл шаруашылығы мен ТКШ саласына тракторларды шығаруға, жергіліктендіруді ұлғайтуға және өнеркәсіптің іргелес салаларын дамытуға мүмкіндік береді», — деді Премьер.

Кейін Министрлер кабинетінің басшысы Қазақстанда алғаш шығарылған «Кировец» тракторын өзі сынақтан өткізді.

Кәсіпорынның жобалық қуаттылығы — 2025 жылға қарай жергіліктендіруді біртіндеп 50% дейін арттырған жағдайда жылына 700 бірлік техникаға дейін жетеді (интерьер/экстерьердің пластиктен жасалған элементтерін дайындау, 2021 жылдан бастап – жоғары қысым, балласт жүктерінің түтіктерін, 2025 жылдан бастап – кабиналар, бактар, көтергіш жақтаулар, дискілер, кардан білігін, теңдестіргіш дайындау және тағы басқасы). Үш кезеңде іске асырылатын жобаға салынған инвестициялардың жалпы көлемі 7,3 млрд теңгені құрайды. Өндірісте 500-ге жуық жаңа жұмыс орнын және іргелес салаларда 700 жұмыс орнын құру көзделген.


Бұдан бөлек, Премьер-Министрдің қатысуымен «Петербург трактор зауыты» АҚ (ПТЗ) бас директоры С. Серебряков және Қазақстан автобизнес қауымдастығының президенті С. Лаврентьев «ПТЗ» АҚ-ның Қостанай трактор зауытының жарғылық капиталына кіруі туралы келісімге қол қойды.


Қазақстанда «ПТЗ» АҚ өнімдері кеңінен таралған. Мәселен, 2014-2017 жылдар аралығында елімізде 500-ге жуық «Кировец» тракторы өткізілген. Ауыл шаруашылығы министрлігінің деректеріне сәйкес, ҚР-дағы тракторларға деген жыл сайынғы қажеттілік шамамен 1600 тракторды құрайды.




Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT