Қолданушы баптаулары
Қолданушы баптаулары
+7 (701) 759 90 19 Лента
USD 384.87 EUR 432.52
RUB 6.11 CNY 55.95
Jańalyqtar

Асқар Мамин Арысқа сапарын қорытындылады

2019 жылғы 11 шілде 18:13 801
Бөлісіңіз:
Асқар Мамин Арысқа сапарын қорытындылады

АРЫС. ҚазАқпарат - ҚР Премьер-Министрі Асқар Мамин Арыс қаласындағы жұмыс сапарын қорытындылады, деп хабарлайды ҚазАқпарат тілшісі.

Арыстағы жарылыстан бүлінген нысандарды тексеру қорытындысы бойынша Үкімет басшысының төрағалығымен кеңес өтті. Кеңес барысында ҚР индустрия және инфрақұрылымдық даму министрінің орынбасары Қайырбек Өскенбаев тындырылған шаруалар туралы ақпарат берді.

«Қазір барлық секторда жөндеу жұмыстары қызған. Барлығы  676 үй қолданысқа берілді. Өңірлер бойынша айтсақ, Ақтөбе - 236, БҚО - 162, Нұр-Сұлтан - 80, СҚО - 47, Қызылорда - 41, Шымкент - 31, Жамбыл - 21, Ақмола - 18, Маңғыстау - 12, Қостанай - 12, Алматы - 9, Қарағанды - 5, Атырау - 2 үйде жөндеу жұмыстарын аяқтады. Әлі 3040 үйде жөндеу жұмыстары жүріп жатыр. Нысандарда 190 құрылыс компаниясынан 4 699 қызметкер мен 207 арнайы техника жұмылдырылған», - деді Қайырбек Өскенбаев.

Вице-министр әлеуметтік нысандардың жағдайына да тоқталды. Жалпы қалада 66 әлеуметтік нысан бар. Оның 54-і білім беру, 8-і денсаулық сақтау, төртеуі спорт мекемелері.

«Әлеуметтік нысандардың барлығы бүлінген болатын. Олардың 62-сі күрделі жөндеуден өтіп, төртеуі «Самұрық-Қазына» АҚ-ның қаражатымен толық қалпына келтіріледі. Қазірдің өзінде 62 нысанды қалпына келтіру жұмыстары жүріп жатыр.  53 білім беру, 6 денсаулық, 3 спорт нысанын жөндеуге 30 компаниядан 1372 құрылысшы мен 57 арнайы техника тартылған», - деді Қайырбек Өскенбаев.

Алдағы аптада олардың қатарын тағы 600-700 жұмысшы толықтырмақ.

Еске салсақ, бүгін ҚР Премьер-Министрі Асқар Мамин Арыс қаласындағы 300 орындық мектепке барған болатын.

Арыстықтармен кездесу барысында Үкімет басшысы апта сайын Арысқа келіп, жөндеу жұмыстарын тексеріп тұратынын айтқан.

Кездесулердің бірінде үйі, дүкені және үш көлігі өртеніп кеткен тұрғын Үкімет басшысынан көмек сұрады.

 

 

 

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT