+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Ashyq жүйесін қолдана отырып жауапкершілікті өз мойнымызға аламыз – астаналық кәсіпкер

2021 жылғы 30 шілде 22:50
Бөлісіңіз:
Ashyq жүйесін қолдана отырып жауапкершілікті өз мойнымызға аламыз – астаналық кәсіпкер

НҰР-СҰЛТАН. ҚазАқпарат – Бүгінде елордада Ashyq жүйесі кеңінен қолданылып отыр. Аталған жүйе мемлекеттік органдармен қатар бизнес саласында да сұранысқа ие. Коронавирус індетімен күрес пен қауіпсіздікті қамтамасыз етуде Ashyq-ты қолданушылардың бірі астаналық кәсіпкер, мейрамхана иесі Гүлбану Майғарина жүйені қолданудағы өз тәжірибесін бөлісті, деп хабарлайды ҚазАқпарат тілшісі.

Ұқсас жаңалықтар
Қызылорда облысында 3 мыңнан астам нысан «Ashyq» жүйесімен жұмыс істеп тұр Атырау облысында 8 мыңнан астам кәсіпкерлік нысан Ashyq жүйесіне қосылды

«Біз де басқа елдер секілді пандемия жағдайында өмір сүруге төселіп келеміз. Пандемия – жаһандық мәселе, сондықтан да мемлекетпен қатар, бизнес өкілдері де санитарлық талаптарды сақтай отырып, тіршілік етуі тиіс. Иә, пандемия салдарынан орта және шағын бизнес зардап шеккені рас, дегенмен қазір табыс көлемін емес, адам саулығын ойлайтын сәт. Осы орайда біз Ashyq жүйесіне алғаш қосылған қатысушылардың біріміз. Биыл қаңтар айында пилоттық режімде енгізілген сәттен бастап Қоғамдық тамақтану қауымдастығымен бірлесіп, рестораторлар арасында аталған жүйені насихаттап келеміз», - деді Гүлбану Майғарина.

Сондай-ақ, кәсіпкер Ashyq жүйесін енгізуде кедергілер болғанын да жасырмады.

«Әрине, Ashyq-ты енгізуде жұмысшылар және клиенттер тарапынан да белгілі бір деңгейде түсініспеушілікке тап болдық. Салдарынан 30 пайызға дейін келушілерден айрылдық. Жүйені енгізу айтарлықтай уақыт алды, есесіне қазіргі уақытта тұрақты түрде жұмыс істеп жатырмыз. Бүгінде мейрамханалар ішінде Ashyq жүйесін енгізуде 5 өңір көш бастап тұр, оның қатарында Алматы, Қарағанды, Павлодар, Өскемен және Семей бар. Ashyq жүйесі - қазіргі уақытта қауіпті мәртебесі бар адамдарды қоғамдық орынға кіргізбеудің таптырмас құралы. Ashyq жүйесін қолдана отырып кәсіпкер бар жауапкершілікті өз мойнына алады. Ол дегеніміз - санитарлық талаптарды сақтай отырып, адамдардың қауіпсіздігін қамтамасыз ету», - дейді ол.

Сонымен қатар, мейрамхана иесі ортақ ережеге бағына отырып, індетті жеңу баршамызға қатысты екенін еске салды.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT