+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Ashyq жобасымен жұмыс істейтін нысандарға жеңілдік берілді - БҚО

2021 жылғы 10 қыркүйек 22:40
Бөлісіңіз:
Ashyq жобасымен жұмыс істейтін нысандарға жеңілдік берілді - БҚО

ОРАЛ. ҚазАқпарат – БҚО бас мемлекеттік санитар дәрігерінің орынбасары Нұрлыбек Мұстаевтың 10 қыркүйектегі жаңа қаулысы шықты, деп хабарлайды ҚазАқпарат тілшісі.

Ұқсас жаңалықтар

БҚО санитарлық-эпидемиологиялық бақылау департаменті мәлім еткендей, жаңа қаулы 13 қыркүйектен бастап күшіне енеді.

Қаулыға сәйкес Ashyq қосымшасымен жұмыс істейтін нысандарға жеңілдік берілді.

Атап айтқанда, осыған дейін сауда үйлері сағат 09.00-ден 22.00-ге дейін, Ashyq көшбасшылары 00.00-ге дейін жұмыс жасаса, енді өздерінің бекіткен жұмыс кестесіне сәйкес қызмет ете алады.

Сол секілді фудкорттар бұрын сағат 10.00-ден 22.00-ге дейін ашық болса, бұдан былай олар да өз уақытымен жұмыс істейді.

Ashyq қосымшасымен қоғамдық тамақтандыру орындары бұрынғыдан екі сағатқа артық жұмыс істей алады.

Театрлар мен кинотеатрлар сағат 09.00-ден 22.00-ге дейін жұмыс жасап келсе, енді уақытын 00.00-ге дейін созады.

Ashyq көшбасшылары өз жұмыс кестесімен қызмет атқарады.

Қаулыға жаңа тармақ қосылды. Енді жиналыс, кеңестер, семинар, конференцияларды қашықтан өткізу мүмкіндігі болмаған жағдайда ҚР бас мемлекеттік санитар дәрігерінің биылғы қыркүйектегі №42 қаулысының талаптарын сақтай отырып, оффлайн режимде өткізуге рұқсат берілді.

Еске сала кетейік, бұдан бұрын БҚО мектептерінде 130 оқушыдан коронавирус анықталғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT