+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Ashyq қосымшасында тағы ақау шықты

2021 жылғы 22 мамыр 21:06
Бөлісіңіз:
Ashyq қосымшасында тағы ақау шықты

НҰР-СҰЛТАН. ҚазАқпарат – Ashyq қосымшасының жұмысында тағы ақау шықты. Бұл туралы жобаның Telegram-каналында мәлім етілді, деп хабарлайды ҚазАқпарат.

Ұқсас жаңалықтар
Нұр-Сұлтанда 13 363 нысан «Ashyq» жобасына қатысып жатыр Елордада «жасыл» мәртебе берілетіндер қатары артады

«Құрметті Ashyq қосымшасын пайдаланушылар қазіргі уақытта мәртебені көрсетумен техникалық ақаулар байқалуда. Келтірілген уақытша ыңғайсыздықтар үшін кешірім сұраймыз!», - делінген ақпаратта.

Ashyq қосымшсының баламалы нұсқасы – Aitu жүйесін қолдану ұсынылып отыр. Ол мына сілтеме бойынша қолжетімді.

Еске салайық, Ashyq-та техникалық ақау осыдан бірнеше күн бұрын да болған еді. Ол кезде ҚР Цифрлық даму, инновациялар және аэроғарыш өнеркәсібі вице-министрі Әсет Тұрысов қазақстандықтарға уақытша Aitu жүйесін қолдана тұруды ұсынды.

ҚР Бас мемлекеттік санитарлық дәрігерінің бүгін, 22 мамырда жарияланған жаңа қаулысына сәйкес, Ashyq жобасы өңірлер бойынша кеңінен таратылып, оған қосылатын кәсіпкерлік нысандар қатары артатын болады.

Айта кетейік, бұдан былай Ashyq мобильдік қосымшасын смартфонға жүктемей-ақ, сервисті www.ashyq.kz сайтында пайдалануға болады. Сайтта – «Тексеруді онлайн өту» сілтемесін басу қажет. Мобильдік қосымшадағы секілді мұнда да ағымдағы мәртебені тексеруге, мекемеге кірерде qr-кодты сканерлеуге мүмкіндік жасалған.

Қазір карантиндік шектеу шараларына қарамастан, Ashyq жобасына қосылған кәсіпкерлік нысандарға жұмысын қайта бастауға рұқсат етілген. Азаматтар Ashyq қосымшасы арқылы ғимаратқа кіреберістегі QR кодты сканерлеп, коронавирусқа қатысты өз мәртебесін көрсетуі тиіс. Мәртебесі «көк» және «жасыл» түсті азаматтарға ғана нысандарға кіруге рұқсат.

Бұған дейін ҚР Цифрлық даму, инновациялар және аэроғарыш өнеркәсібі министрлігі қосымшада «қызыл» мәртебе қате шыққан жағдайда не істеу керектігін айтқан болатын.




Біздің каналымызға жазылыңыз:

Бөлісіңіз:

Автор:

Мира Төлендіқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT