Ashyq: Ақтөбеде 14 адамнан «қызыл», «сары» мәртебе анықталды
Бағдарлама енгізілгеннен бастап өңірдегі «Ashyq» жобасына қатысатын нысандарда «сары» мәртебесі бар 73 адам және «қызыл» мәртебесі бар 22 адам анықталған.
«Ал 10-17-маусым аралығында «қызыл» мәртебесі бар 3 және «сары» мәртебесі бар 11 адам анықталды. Бүгінгі күні, «Ashyq» жобасынан басқа Аitu және Kaspi.kz. платформаларын да қолдануға болады. «Ashyq» жобасын енгізудің негізгі мақсаты – коронавирус инфекциясының алдын алу, яғни, ауру жұқтырған немесе байланыста болған адамдардың қоғамдық орындарға бару жағдайларын болдырмау»,- деп хабарлады облыстық санитариялық-эпидемиологиялық бақылау департаментінің баспасөз қызметі.
«Ashyq» жобасы Ақтөбе облысының аумағында 14 сәуірден бастап жұмыс істеп келеді. Ақтөбе облысының 512 кәсіпкері «Ashyq» жобасына қатысуға өтініш беріп, олардың 378-не QR-кодтары жүктелген. Оған қоса 134 нысан тестілеу режимінде жұмыс істеп жатыр.