USD 434.48 EUR 492.61
RUB 5.68 CNY 68.44
Jańalyqtar

Ashyq: Ақмола облысында аутсайдер кәсіпкерлер саны 3,4 есе артты

2021 жылғы 8 желтоқсан 22:31
Бөлісіңіз:
Ashyq: Ақмола облысында аутсайдер кәсіпкерлер саны 3,4 есе артты

КӨКШЕТАУ. ҚазАқпарат - Ақмола облысында Ashyq жобасы көшбасшыларының саны 152-ден 139-ға дейін қысқарды, ал аутсайдерлер саны 653-тен 2228-ге дейін (3,4 есеге) артты. Бұл туралы өңірдің бас мемлекеттік санитарлық дәрігері Айнагүл Мусина мәлім етті, деп хабарлайды ҚазАқпарат тілшісі.

Ұқсас жаңалықтар
БҚО-да коронавирус жұқтырған 224 науқас стационарда емделіп жатыр Алматыда коронавирус жұқтырған 71 науқас жансақтау бөлімінде жатыр Алматы облысында бір күнде 432 адамнан коронавирус табылды

Биылғы 21 сәуірден бастап Ақмола облысында бизнес субъектілерінде коронавирус инфекциясының таралу қаупін азайту мақсатында Ashyq пилоттық жобасы қолға алынған болатын.

Айнагүл Мусинаның айтуынша, бүгінгі таңда Ақмола облысында 4968 нысан жобаның ресми қатысушысы ретінде тіркеліп, QR-код алған.

«Ағымдағы жылдың 17 сәуірі мен 4 желтоқсаны аралығында Ashyq талабын бұзған 2163 адам анықталды, оның ішінде «сары» мәртебесі бар - 573, «қызыл» мәртебесі бар - 1590. Аталған тұлғалар кәсіпкерлік объектілеріне жіберілмеді, үй карантинін сақтау туралы түсіндіру жұмыстары жүргізілді, сондай-ақ карантиндік шектеу шараларын сақтау үшін анықталған тұлғалардың тұрғылықты жері бойынша ақпарат жолданды», - деп бөлісті А.Мусина.

Үй карантинін бұзғаны үшін жеке тұлғаларға жалпы және қысқартылған өндіріс тәртібімен 522 әкімшілік айыппұл салынды. Айыппұлдардың жалпы сомасы 27,6 млн теңгеден асты.

Өңірдің бас мемлекеттік санитарлық дәрігері атап өткендей, бүгінгі таңда жоба көшбасшыларының саны 152-ден 139-ға дейін қысқарды, ал аутсайдерлер саны 3,4 есеге – 653-тен 2228-ге дейін артты. «Көшбасшы» мәртебесі бар жобаның 139 қатысушысының ішінде тек 17 қоғамдық тамақтану объектісі бар.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT