Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

АШМ комитеті жарқанаттардың ұясына қатысты пікір білдірді

2019 жылғы 30 қаңтар 16:16 1893
Бөлісіңіз:
АШМ комитеті жарқанаттардың ұясына қатысты пікір білдірді

АСТАНА. ҚазАқпарат - ҚР АШМ Орман шаруашылығы және жануарлар дүниесі комитеті ел арасында тараған жарқанаттар туралы алып-қашпа хабарларға пікір білдірді, деп хабарлайды ҚазАқпарат.

«Соңғы уақытта әлеуметтік желі мен БАҚ-та жарқанаттың ұясын қымбатқа сатып алатыны жөнінде жазбалар пайда болды. Арнайы түсіндіріп өткіміз келеді, жарқанаттар ешқашан ұя салмайды, олар үңгірлер мен ұңғымаларды, жертөле, ағаш қуысы мен құдықтарды паналайды», - деп жазды комитеттің баспасөз хатшысы Сәкен Ділдахмет Фейсбуктегі парақшасында.

Жарқанаттар немесе қолқанаттылар - ұшуды меңгерген жалғыз сүтқоректілер. Түрлер саны бойынша кеміргіштерден кейін екінші орында тұр.

«Қазақстанда жарқанаттың 27 түрі мекендейді. Олардың бесеуі Қазақстанның Қызыл кітабына енген (Иконников жарақанаты, Азиялық жалпаққұлақ, Бобринский жарқанаты, ақбауыр жарқанат, кеңқұлақты жарқанат). Олардың әрбіріне келтірілген заалал үшін 100 АЕК-тен 200 АЕК-ке дейін (252 мың теңгеден 505 мың теңгеге дейін) айыппұлдар қарастырылған», - деді С. Ділдахмет.

Бір орында жарқанаттардың бірнеше түрі тіршілік ете алады. Саны жағынан бір орында мыңнан астам жарқанат болуы мүмкін.

Мәселен, Орталық Азиядағы Бахарден үңгірінде 40 мыңнан астам жарқанат бар. Қазақстанда да жарқанаттар мекендейтін ауқымды орындар бар. Жарқанаттар жыл маусымына қарай, үңгірлерді ауыстырып отырады.

Сонымен бірге, комитет өкілі қазақстандықтарға жалған ақпарат таратпауға кеңес берді.

«Жарқанаттың ұясы туралы жалған ақпарат таратудан сақ болыңыз! ҚР Қылмыстық Кодексінің 274-бабында жалған ақпарат таратқандарға жаза белгіленген», - деп жазды С. Ділдахмет.

 

 

Біздің каналымызға жазылыңыз:

Басты сөздер: Экология, ҚР АШМ,
Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT