+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Асхат Аймағамбетов жаңа оқу жылы турасында: Тиісті құжаттарды дайындадық

2020 жылғы 4 тамыз 11:10
Бөлісіңіз:
Асхат Аймағамбетов жаңа оқу жылы турасында: Тиісті құжаттарды дайындадық

НҰР-СҰЛТАН. ҚазАқпарат – Білім және ғылым министрі Асхат Аймағамбетов жаңа оқу жылында қашықтан білім беру жүйесіне мұғалімдердің дайындығы туралы айтты, деп хабарлайды ҚазАқпарат тілшісі.

Ұқсас жаңалықтар
Педагогикалық мамандықты таңдайтын түлектер саны артып келеді – Білім министрі Асхат Аймағамбетов Президенттік жастар кадрлық резервінің мүшелерімен кездесті Аймағамбетов: Директорда үш орынбасар, екі есепші бола ма бәрібір – бізге керегі білім сапасы

«Оқу жылын бастау үшін қажетті нормативтік - методологиялық құжаттарды қабылдау маңызды. Тиісті құжаттардың барлығын дайындадық. Қашықтан оқыту технологияларын қолдану және оқыту форматтары бойынша егжей-тегжейлі әрі қадамдық нұсқаулықтар әзірленді. Денсаулық сақтау министрлігімен бірлесіп, білім беру ұйымдарының қызметін жүргізудің санитарлық талаптары да әзірленді», - деді министр Үкімет отырысында.

Оның сөзіне қарағанда, қашықтан оқыту кезінде оқу процесінің принциптері мен технологиялары сәйкесінше өзгереді. Осыған байланысты төртінші тоқсан тәжірибесін ескеріп, бағалау нормаларын, оқыту әдістемесін өзгерту және кері байланысты жүзеге асыру бойынша да бірқатар жұмыс жүргізілді. Шілде айынан бастап облыстық білім басқармаларымен, аудандық, қалалық бөлімдермен және әдістемелік кабинеттермен қашықтан оқыту жүйесінің негізгі бағыттарын түсіндіру, санитарлық-эпидемиологиялық жағдайға байланысты әртүрлі форматқа көшу бойынша күнделікті вебинарлар өткізіліп келеді.

Жеке кесте бойынша барлық 7 мыңнан аса қазақстандық мектеп директорына, олардың 12 мыңдай орынбасарына және 2 мыңға жуық әдіскерге қашықтан оқытуды ұйымдастыру бойынша түсіндіру семинарлары өткізілді. Бұл жұмыс әлі жалғасады.

«Еліміздің барлық мұғалімдері үшін жеке графикпен біліктілікті арттыру курстарын бастадық. Оған 100 пайыз мұғалім қамтылатын болады», - деді А. Аймағамбетов.

Бұдан бұрын хабарланғандай, министр бастауыш сынып оқушылары үшін кезекші сыныптар ашылатынын айтты.

Сонымен қатар, жаңа оқу жылында колледж студенттерінің білім алу тәртібін түсіндірді.


Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT