+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Асхат Аймағамбетов мектептер қашан бейнебақылаумен толық қамтылатындығын айтты

2019 жылғы 19 желтоқсан 12:15
Бөлісіңіз:
Асхат Аймағамбетов мектептер қашан бейнебақылаумен толық қамтылатындығын айтты

НҰР-СҰЛТАН. ҚазАқпарат - Республиканың барлық мектептерін бейнебақылаумен толық қамтуға 1-2 жыл қажет. Бұл туралы бүгін Үкімет үйіндегі баспасөз мәслихатында ҚР Білім және ғылым министрі Асхат Аймағамбетов айтты, деп хабарлайды ҚазАқпарат тілшісі.

Ұқсас жаңалықтар
Асхат Аймағамбетов: Мектептерге интернет қосатын провайдердің тарифі өте қымбат Нұр-Сұлтанда 11, 14 және 15 жастағы үш жасөспірім мектепке енді барды Қазақстан мектептерінде мамандандырылған күзет болады

«Елбасы мен Мемлекет басшысы балалардың, әсіресе олардың мектепте болған кездеріндегі қауіпсіздігіне байланысты мәселеге айрықша назар аударады. Біз үшін балалардың мектепте болған кезіндегі қауіпсіздігі ғана маңызды емес. Өздеріңізде білесіздер, балалардың үйде болған кезде терезеден құлап кету жайттары да көп. Сондықта ата-аналар мен мектептің жауапкершілігін күшейту және балаларымызға қауіпсіз жағдай жасау үшін норма қабылданады. Бұл орайда мектептерді бейнебақылаумен 100 пайыз қамту жайында сөз болып отыр», - деді министр.

Оның атап өтуінше, балалардың мектептегі қауіпсіздігін қамтамасыз ету үшін қажетті шараларды жүзеге асыру қажет. Сонымен қатар ол республиканың барлық мектептері қай уақытта 100 пайыз бейнебақылаумен қамтылатындығын айтты.

«Мемлекеттік бағдарлама 2025 жылға дейін есептелінген. Бірақ, біз ары кеткенде 1-2 жылдың ішінде осынау кешенді мәселелер шешілуі тиіс деп есептейміз. Бейнебақылау бойынша келесі жылдың соңына дейін жергілікті басқарудың барлық органдары бұл мәселені шешуі тиіс деген міндет қойып отырмыз. Бұл айта қоярлықтай үлкен проблема емес. Балаларды қорғау мен тасымалдауды қамтамасыз ету үшін 2025 жылды күтудің қажеті жоқ», -деді Асхат Аймағамбетов.

Айта кетейік, бүгін Үкімет отырысында ҚР Білім және ғылым министрі Асхат Аймағамбетов 2025 жылға дейін Қазақстанда білім мен ғылымды дамытудың жаңа мемлекеттік бағдарламасын таныстырған еді.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT