Асфендияров атындағы ҚазҰМУ спорт дәрігерлері мен биоинформатиктерді даярлайды
Бұл туралы университет ректоры Талғат Нұрғожин Алматыда өткен есептік кездесуінде мәлімдеді, деп хабарлайды ҚазАқпарат.
Мамандарды оқыту магистратура дәрежесінен басталады. Спорттық остеопат-дәрігерлерді Қазақ туризм және спорт академиясымен бірлесіп әзірлейді. Ал Халықаралық ақпараттық технологиялар университетімен бірге - биологиялық ақпаратты математикалық талдаумен айналысатын, генетикалық мутацияларды болжауға арналған бағдарламалар әзірлейтін биотехнологтар даярланады.
Сондай-ақ, фармацевтикалық косметология бойынша магистратура ашылады - онда сарапшылар косметикалық медицина үшін дәрілік заттарды тағайындауда көмек көрсетеді.
«Біз өз мүмкіндіктерімізді кеңейтуіміз қажет. Жұмыс істеп, қаражат таба алатын сұраныстағы мамандарды даярлайтын боламыз. Мәселен, эпидемиологтар мен биостатистиктер қазір жоқ», - деді ҚазҰМУ ректоры.