Арыстың бес секторында қалпына келтіру жұмыстары аяқталды

НҰР-СҰЛТАН. ҚазАқпарат – 20 тамыздағы жағдай бойынша, Арыс қаласында 7056 жеке және көп пәтерлі үйлер қалпына келтірілді. Бұл туралы ҚазАқпарат ҚР Индустрия және инфрақұрылымдық даму министрлігінің баспасөз қызметіне сілтеме жасап хабарлайды.

Ұқсас жаңалықтар

Елордада Арыстағы жарылыста 1-топтағы мүгедекті құтқарған полицейлерге құрмет көрсетілді

Арыстың көшелері жөндеуден өтіп, кәріз жүйелері жаңартылды – қала әкімі Роман Скляр Арыстағы құрылыс жұмыстарының барысымен танысты Асқар Мамин Арыс қаласындағы құрылыс жұмыстарын көрді

Жамбыл, Қарағанды, Қызылорда, Түркістан облыстары мен СҚО секторларында құрылыс жұмыстары толығымен аяқталды. Павлодар, Маңғыстау, Ақтөбе және Ақмола облыстарының секторлары 99%-ға қалпына келтірілді. Арыстың тұрғын үй қорында 5 мыңнан астам жұмысшы жұмысын жалғастыруда.

Бүгінгі күні 698 тұрғын үйде әрлеу жұмыстары жүргізілуде, тағы 41 үйді құрылысшылар нөлден бастап тұрғызды. Меншік иелерінің келіспеуіне байланысты 34 үйде жөндеу жұмыстары жүргізілмей тұр.

2 мыңға жуық құрылысшы әлеуметтік нысандарда жұмыс істейді, олар білім беру мекемелерінің 50 ғимаратын, 4 денсаулық сақтау нысанын және екі спорт мектебін пайдалануға тапсырды. Сондай-ақ қалада 316 жөнделген коммерциялық нысан жұмыс істеуде.