+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Арыстың бас қақпасының лентасы салтанатты түрде қиылды

2019 жылғы 10 қазан 16:23
Бөлісіңіз:
Арыстың бас қақпасының лентасы салтанатты түрде қиылды

АРЫС. ҚазАқпарат - Қаланың кіреберіс қақпасы Арыс шаһарының тағы бір сәулетті туындысына айналды. Жаңа нысанның құрылыс жұмыстарын мойнына алып, қаржыландырған - ҚР Кәсіподақтар федерациясы, деп хабарлайды ҚазАқпарат облыс әкімінің баспасөз қызметіне сілтеме жасап.

Ұқсас жаңалықтар
Арыс қаласында жарамсыз деп танылған 402 үйдің құрылысы толық аяқталды Арыстықтар қала күнін атап өтті Өмірзақ Шөкеев: 1 қарашаға дейін Арыстағы барлық жұмыс аяқталады

Ашылу салтанатына ҚР Кәсіподақтар федерациясының төрағасы Ералы Тоғжанов пен Түркістан облысының әкімі Өмірзақ Шөкеев арнайы қатысып, тұрғындарға жылы лебіз білдірді.

«Өңіріміздегі сәулеттік жобалардың ұлттық нақышта болғаны құба-құп. Қазақылықтың қаймағы бұзылмаған аумақты айшықтайтын көріністер жаңа жобаларда көрініс тапқанына назар аудару өте маңызды. Маусымдағы қайғылы оқиғадан кейін қолға алынған Арыс қаласын жақсылыққа бастайтын берекелі қақпа болады деп сенемін», - деді аймақ басшысы Өмірзақ Естайұлы.


Сонымен қатар, аймақ басшысы өз сөзінде қақпаның құрылысын қолдап, көмек берген еліміздің Кәсіподақтар федерациясы басшылығына алғысын білдірді. Кез келген шаһардың өзіне тән қайталанбас, айрықша келбеті болады. Осындай мазмұны мен мағынасы зор айтулы жобаға Қазақстан Республикасы Кәсіподақтар федерациясы демеушілік жасаған.

Арыс қаласының көркейіп, гүлденуіне бір кісідей жұмыла кірісу - бүкіл елге ортақ іс болды. Қаланың бас қақпасы - соның тағы біл дәлелі болса керек.

Салтанатты жиынға «Nur Otan» партиясы Арыс қалалық филиалының төрағасы мен ардагерлер, қалалық мәслихат депутаттары қатысты. Ашылған қақпадан алғашқы болып облыс әкімі Өмірзақ Естайұлы бастаған топ жаяу жүріп өтті.






Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT