Арыстанбек Мұхамедиұлының анасы Күлімхан Төлендиева өмірден озды

None
None
НҰР-СҰЛТАН. ҚазАқпарат - Қазақстан Республикасы Ұлттық музейінің директоры Арыстанбек Мұхамедиұлының анасы Күлімхан Төлендиева қайтыс болды, деп хабарлайды ҚазАқпарат.

Күлімхан Жүндібайқызы 2020 жылы 80-ге қараған шағында өмірден озды. Ол Алматы облысы Тұздыбастау ауылында дүниеге келген. Өмір бойы Сарытауқұм кеңшарында есепші болып жұмыс істеді.

Еңбек Ері, «Күміс алқа» медалінің және ІІІ дәрежелі «Еңбек Даңқы» орденінің иегері.

«Қоштасу рәсімі - 6 қаңтар Алматыда, ал жерлеу рәсімі - 7 қаңтар, сейсенбіде Алматы облысы Қырғауылды ауылында, Сарытау, 1А мекенжайында өтеді», - дейді Ұлттық музейдің баспасөз қызметі.

Бұрынғы мәдениет министрі Арыстанбек Мұхамедиұлы 1963 жылы 11 ақпанда Алматы облысы Талғар ауданындағы қазіргі Тұздыбастау ауылында дүниеге келген.

2019 жылдың 10 шілдесінде Қазақстан Республикасы Ұлттық музейінің директоры болып тағайындалды.




Соңғы жаңалықтар