Қолданушы баптаулары
Қолданушы баптаулары
+7 (701) 759 90 19 Лента
Астана: 14 °С
Алматы: 17 °С
USD 339.95 EUR 392.64
RUB 5.30 CNY 52.51
Жаңалықтар

Арыстанбек Мұхамедиұлы қазақстандықтарды Паралимпиаданың алтын медалімен құттықтады

2018 жылғы 14 наурыз 13:17 1155
Бөлісіңіз:
Арыстанбек Мұхамедиұлы қазақстандықтарды Паралимпиаданың алтын медалімен құттықтады

АСТАНА. ҚазАқпарат - ҚР Мәдениет және спорт министрі Арыстанбек Мұхамедиұлы қазақстандықтарды Қысқы Паралимпиада ойындарында Қазақстан шаңғышысы Александр Колядиннің алтын медаль алуымен құттықтады, деп хабарлайды «ҚазАқпарат» ХАА тілшісі.

«Ең біріншіден, бүкіл қазақстандықтарды тамаша жеңіспен құттықтаймын. Пхенчхандағы Паралимпиада ойындарында біздің қазақстандық Александр Колядин алтын медаль ұтып алды. Ол біздің тарихымыздағы елеулі оқиға. Бұл бәріміз үшін үлкен қуаныш. Сол үшін барша қазақстандықтарды асқақ жеңісімен құттықтағым келеді», - деді Арыстанбек Мұхамедиұлы Астанада өткен Қазақстан Республикасы мен Өзбекстан Республикасы арасындағы екіжақты ынтымақтастық жөніндегі үкіметаралық комиссиясының 17-отырысында тілшілерге берген сұхбатында.

Еске сала кетсек, қазақстандық шаңғышы Александр Колядин Пхенчхандағы Паралимпиадада алтын медальды жеңіп алған болатын.

14 наурызда өткен шаңғы жарысы Қазақстан үшін жеңіспен аяқталды. Классикалық әдіспен 1,5 шақырымдық спринтерлік шаңғы жарысында жарысқан спортшылар арасында қазақстандық спортшы іріктеу кезеңінде де, жартылай финалда да үздік болды. Александр Колядин финалда 4 минут 19,7 секунд нәтижесін көрсетіп, алдына жан салмады.  Күміс медаль жапониялық Йошихиро Ниттаның еншісінде кетсе, «қолаға» Канада өкілі Марк Арендз және Финляндиядан Иикк Туомисто қол жеткізді.

 

 

 


Басты сөздер: Спорт, Олимпиада,
Бөлісіңіз:

Автор:

Аян Бекенұлы

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Мұрағат