15:51, 09 Шілде 2018 | GMT +6
Арыстанбек Мұхамедиұлы Астананың 20 жылдығына арнап ән жазды
АСТАНА. ҚазАқпарат - ҚР Мәдениет және спорт министрі Арыстанбек Мұхамедиұлы Астананың 20 жылдығына арнап жазған әнін таныстырды, деп хабарлайды ҚазАқпарат тілшісі.
«Достарым, әсем елордамыздың мерейтойына арналған «Ақ ордам - Астана» әнін Capriccio тобының орындауында қабыл алыңыздар. Сөзі Шөмішбай Сариевтікі, музыкасының авторы мен. Көңілдеріңізден шығады деген үміттемін», - деп жазды министр Facebook-тегі парақшасына.
Айта кетейік, Capriccio музыкалық тобына белгілі журналист Айгүл Мүкей продюсерлік етеді.
Топ құрамында 8 солист бар.
Басты фото facebook.com әлеуметтік желісіндегі жеке парақшасынан алынды