+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Арыстағы жарылыс: Жедел штаб құрылып, жапа шеккендерге барлық көмек көрсетілуде

2019 жылғы 24 маусым 17:30
Бөлісіңіз:
Арыстағы жарылыс: Жедел штаб құрылып, жапа шеккендерге барлық көмек көрсетілуде

АРЫС. ҚазАқпарат - Арыста болған апат салдарынан 31 адам түрлі дене жарақаттарымен Түркістан облысына қарасты ауруханаларға жеткізілді. Бұл туралы облыстық Қоғамдық денсаулық сақтау басқармасынан мәлім етті, деп хабарлайды ҚазАқпарат тілшісі.

«Осы уақыттағы жағдай бойынша, облыстың медициналық мекемелеріне зардап шеккен 31 адам жеткізілді. Соңғы мәліметтер нақтылануда», - делінген басқарма ақпаратында.

Науқастардың басым бөлігі Облыстық клиникалық ауруханада жатыр. Оларға барлық қажетті медициналық көмек көрсетілуде. Арыстағы төтенше жағдайға орай Ордабасы ауданында медициналық штаб құрылды.

Түркістан облысы Денсаулық сақтау басқармасының басшысы Мұқан Егізбаевтың басқаруымен шұғыл жұмыстар жүргізіліп жатыр. Ордабасы аудандық орталық ауруханада және Облыстық клиникалық ауруханада 200-ден астам науқасқа арналған орын дайындалды.

Жедел жәрдем бригадасының 30 көлігі Шымкент қаласына кірер 3 жолға қойылды. Қажет болған жағдайда бірнеше аудандардан алдырылған қосымша жедел жәрдем көліктері дайын.

«Облыстық клиникалық ауруханадан травматолог, хирург, реаниматолог дәрігерлер құрылған медициналық штабқа жиналды. Қазіргі кезде жарақат алғандар жоқ. Эвакуация жұмыстары жүргізіліп жатыр. Арыс қалалық орталық ауруханасы мен емханасынан науқастар эвакуацияланды. Мамандар да жедел жәрдем көліктері де облыс бойынша жеткілікті», - делінген ақпаратта.

Айта кетейік, бұған дейін зардап шеккен 11 адам Шымкент ауруханасына жеткізілген болатын.

Бүгін таңертең Түркістан облысының Арыс қаласындағы әскери бөлім қоймасында жарылыс болды. Бірнеше өңірдің Төтенше жағдайлар департаменті шұғыл желілер құрды. Көп ұзамай облыс басшысы Өмірзақ Шөкеев бастаған арнайы комиссия Арыстағы әскери бөлімге аттанды.Жағдайдың ауқымымен танысқан өңір әкімі Арыс тұрғындарын эвакуациялау туралы шешім қабылданғанын мәлім етті. ҚР ІІМ Төтенше жағдайлар комитеті тұрғындар қайда және қалай эвакуацияланып жатқанын хабарлады.

ҚР Президенті Қасым-Жомарт Тоқаев тиісті органдарға Арыстағы төтенше жағдайдың зардаптарын жою туралы тапсырма берді.

ҚР Қорғаныс министрлігі ресми ақпарат таратып, түске дейінгі уақыттағы жағдай бойынша зардап шеккендер жоқтығын айтты. Кейін хабарланғандай, оқиға орнына Қорғаныс министрі Нұрлан Ермекбаев ұшып шықты.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT