+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Арыстағы балалар үйінің тәрбиеленушілері Молдовада жүр

2019 жылғы 9 қыркүйек 23:30
Бөлісіңіз:
Арыстағы балалар үйінің тәрбиеленушілері Молдовада жүр

КИШИНЕВ. ҚазАқпарат - Арыс балалар үйінің төрт тәрбиеленушілері өткен жексенбі, 8 қыркүйекте Молдова астанасына ұшып келді, деп хабарлайды ҚазАқпарат ҚР Сыртқы істер министрлігінің баспасөз қызметіне сілтеме жасап.

Ұқсас жаңалықтар

Бүлдіршіндер саяхаты аясында елдің және өңірдің тарихи-географиялық, сондай-ақ этно-мәдени ерекшеліктерін зерттеу жоспарланған.

Қазақстандық жасөспірімдердің дүниетанымын кеңейтіп, рухани байытуға ықпал ететін осы іспеттес семинарды оқу жылының басында өткізу бастамасын Сыртқы істер министрлігінің «Нұр Отан» бастауыш партия ұйымының үйлестіруімен Қазақстанның Кишинев қаласындағы Бас консулдығы көтерген.

Бастама авторларының қайырымдылық акциясына демеушілік білдіру ұсынысын «KMG International» компаниясының бөлімшелері: «Rompetrol Молдова», «KAZROM FLOUR» ЖШС, «Cricova-vin» және «SupremaLex» компаниялары көтерді.

Бас консулдық пен «Rompetrol Молдова» компаниясының өкілдері тур қатысушыларын Кишиневтің халықаралық әуежайында қарсы алып, ұзақ жолға қарамастан, бірден қалалық турды бастады.

Кейінірек, балалар жаңа піскен жемістер мен көкөністерге бай ұлттық тағамдардан дәм татып, жергілікті салт-дәстүрлер туралы тыңдап, қазақстандық өмір салтынан ерекшеліктері жайында өз пікірлерімен бөлісті.

Болашақта эстрада жұлдызы болуды армандайтын Оралбек Жүсіпов сапар туралы үлкен әсермен әңгімелейді. «Біз үшін, әрине, Молдавияға шақырылғанымыз туралы хабар күтпеген жерден келді. Естіген күннен бастап біз ұшаққа отыруды асыға күттік. Жол өте жақсы өтті, ұшақ қонған кезде біз қаланы терезелерден аздап көре алдық. Біз әуежайдан шыққан кезде ауа-райы тамаша болды. Маған Молдованың ұлттық музыкасы өте ұнады. Мен онымен болашақта жақынырақ танысамын деген үміттемін, мүмкін бір әнін үйреніп алармын. Мен бұл сапардан көп нәрсені күтемін», - дейді Оралбек.

Әңгіме барысында балалар өздерінің өмірлері мен болашақ жоспарлары туралы ықыласпен айтты. Олар ересек өмірге оптимистік көзқараспен қарап, таңдаған мамандықтары бойынша жоғары маман иесі болуды армандайды. Мысалы, Толғанай Масалиева математика пәнінің мұғалімі болуды жоспарлаған, ал Бексұлтан Әлібек Қазақстан Республикасы Ұлттық қауіпсіздік комитетінің әскери қызметкерінің жолын таңдаған.

Белгілі хирург болуды армандаған Карина Сулайманова шетелге алғашқы сапары жайлы есте қалған сәттері туралы баяндап берді. «Молдова бізге өте ұнады – климаты сондай жылы, ауа да таза. Кишиневтің өзі өте жасыл және әдемі қала екен. Біз осы елдің тарихы туралы, оның халқы туралы мүмкіндігінше көп білгіміз келеді, оларға біздің Қазақстан туралы айтып бергіміз келеді», - дейді кішкентай Карина.

«Мен біздің бүлдіршіндеріміз үшін өте қуаныштымын. Олардың бақытты, шабыттанған жүздерін, сапардан, өздеріне деген ықыластан, ересектердің жылы лебізі мен мейіріміне бөленгеннен үлкен әсер алғанын көру мен үшін үлкен қуаныш. Бұл сапар біздің оқушыларымыздың ғана емес, сонымен бірге осы жазда үлкен сынақты бастан кешкен Арыс қаласының барлық тұрғындарының жүрегіне жол табатынына сенімдімін», - дейді балалар үйінің директоры Меруерт Сүйіндікова.

«Бізді қолдаған барлық қазақстандықтарға алғысымыз шексіз. Молдавияға балаларға арналған тур ұйымдастыруға көмектескен Қазақстанның Бас консулдығына, Сыртқы істер министрлігіне және«Нұр Отан» партиясына ерекше алғыс білдіргім келеді», - деп қосты М.Сүйіндікова.

13 қыркүйекке дейін жалғасатын саяхат барысында арыстық жеткіншектер Молдавияның мұражайларын, мәдени және тарихи орталықтарын, аквапаркті, ойын-сауық орталықтарын, Еуро-2020 іріктеу кезеңінде ойнайтын Молдова-Түркия футбол матчын көруді және Қара теңізге баруды жоспарлап отыр.

Дүйсенбі күні балалар Молдованың оңтүстігіндегі Гагаузия автономиялық-территориялық бөлігінің астанасы Комраттағы Қазақстан Республикасының Тұңғыш Президенті – Елбасы Нұрсұлтан Назарбаевтың мүсіні орналасқан Даңқ аллеясына барды және оның аумағындағы өзге де белгілі нысандарда болды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT