Қолданушы баптаулары
Қолданушы баптаулары
+7 (701) 759 90 19 Лента
USD 383.98 EUR 430.63
RUB 6.11 CNY 55.83
Jańalyqtar

Арыстағы апат: Зардап шеккен өңірден алғашқы 300 бала Ақмолаға жеткізіледі

2019 жылғы 25 маусым 19:10 336
Бөлісіңіз:
Арыстағы апат: Зардап шеккен өңірден алғашқы 300 бала Ақмолаға жеткізіледі

КӨКШЕТАУ. ҚазАқпарат - Ақмола облысының бизнес-қауымдастығы,​ мемлекеттік емес ұйымдар,​ жергілікті кәсіпорындар мен мемлекеттік органдар және Қазақстан халқы Ақмола ассамблеясының өкілдері Арыс тұрғындарына көмек қолын созуда белсенділік танытуда, деп хабарлайды ҚазАқпарат тілшісі.

Ақмола облыстық ішкі саясат басқармасының мәліметінше, өңірдің мемлекеттік қызметшілері, жергілікті атқарушы органдардың ведомствоаралық ұйымдарының қызметкерлері төтенше жағдайға душар болған Арыс қаласының тұрғындарына көмек ретінде 1 күндік еңбекақысын аударуда.

Бұдан бөлек, ҚР Президенті Қасым-Жомарт Тоқаевтың тапсырмасына сәйкес демалатын балалардың санын арттыру туралы шешім қабылданды.

«Облыс аумағындағы 20-дан астам балаларды сауықтыру орталықтары,  лагерлер,  демалыс үйлері жазғы маусым кезінде төтенше жағдай орын алған аумақтан 500-ден астам баланы қабылдайды.

Жақын күндері алғашқы 300 бала «Балдәурен», «Самұрық», «Звездный» сауықтыру орталықтары мен  «Avrora Garden» демалыс үйіне жеткізіледі», дейді ведомствоның баспасөз қызметіндегілер.

Сонымен қатар,  жастар бірлестіктерінің бастамасымен төтенше жағдайдың салдарын жою және одан зардап шеккендерге көмек көрсету мақсатында  еріктілер тобы, құрылыс жасақтары, психологтар тобы жасақталды.

СВондай-ақ, қайырымдылық керуені және материалдық көмек ретінде құрылыс материалдары,  азық- түлік және киім-кешек жеткізілмекші.

 

 

Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT