USD 434.24 EUR 492.69
RUB 5.67 CNY 68.46
Jańalyqtar

Арыста Ұлттық ұланның сарбаздары қой, қару ұрлаған үш адамды ұстады

2019 жылғы 25 маусым 20:21
Бөлісіңіз:
Арыста Ұлттық ұланның сарбаздары қой, қару ұрлаған үш адамды ұстады

АРЫС. ҚазАқпарат - Арыс қаласында қоғамдық тәртіп пен қауіпсіздікті дамылсыз күзетіп жүрген Ұлттық ұланның жауынгерлері ұрлық жасады деген күдікпен үш адамды автокөлігімен ұстап, травматикалық тапаншамен жүрген бір адамды тоқтатты, деп хабарлайды ҚазАқпарат тілшісі.

Қазақстан Республикасы Ұлттық ұланы «Оңтүстік» өңірлік қолбасшылығының баспасөз қызметінен хабарлағандай, түнгі патрульге шыққан капитан Елдос Берденов және қатардағы Алмат Құлғарашев ішкі істер органының қызметкерімен бірге қалалық әкімдіктің маңында жүрген біреуді байқайды. Жүрісі күдік тудырған адамды тексеру барысында оның травматикалық тапанша мен төрт оқты қойнына тығып алғаны белгілі болды.

Сондай-ақ, «Арыс - Монтайтас» тас жолы бекетін бақылап тұрған аға лейтенант Думан Калкеев және кіші сержант Ғалым Байбатшаев өтіп бара жатқан автокөлікті құжаттарын тексеру үшін тоқтатады. Тексеру барысында автокөлік ішіндегі адамдар сөздерінен жаңылып, айтқандары бір-бірімен сәйкеспей жатты. Қипақтап сөйлегендері мен іс-әрекеттері күдік тудырған азаматтардың машинасын тексерген кезде ішінен азық-түлік, құрылыс материалдары, спирттік ішімдіктер, темекі, тірі қой, машинаның дөңгелегі сияқты заттар шыққан. Аталған заттардың дүкеннен немесе тұрғын үйден ұрлануы мүмкін екендігі айқын. Күдікті адамдарды ұландық сарбаздар бірден ұстап, әрі қарай тексеру мақсатында ішкі істер органдарының қызметкерлеріне табыс етті.

Айта кету керек, Арыс қаласында Ұлттық ұланның 500-ден астам жауынгері қоғамдық тәртіп пен қауіпсіздікті күзетіп жатыр.

null

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT