+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Арыста қоғамдық тәртіпті сақтауға ерекше үлес қосқан полицейлер марапатталды

2019 жылғы 10 қыркүйек 12:38
Бөлісіңіз:
Арыста қоғамдық тәртіпті сақтауға ерекше үлес қосқан полицейлер марапатталды

ТҮРКІСТАН. ҚазАқпарат – Қазақстан Республикасының Президенті Қасым-Жомарт Тоқаевтың Жарлығымен Түркістан облысының бірнеше полиция қызметкері марапатталды.

Ұқсас жаңалықтар
Жолда қабылдау акциясы: Ақмолалықтардың мыңнан астам сауалына жауап берілді Оралда полиция қызметкері таяқшасын автокөлікке лақтырды Қазақстанда апта ішінде болған кадрлық тағайындаулар

Арыс қаласының тұрғындарын қауіпсіз аймаққа көшіріп, қоғамдық тәртіпті қамтамасыз еткен және азаматтардың мүліктерін сақтауда өзіне берілген тапсырманы жоғары деңгейде ұйымдастыра білген тәртіп сақшыларына құрмет көрсетілді, деп хабарлайды ҚазАқпарат тілшісі.

Ел басына күн туған сәтте өзінің қызметтік міндеттерін адал, әрі асқан табандылықпен орындаған тәртіп сақшыларын Түркістан облыстық Полиция департаментінің бастығы, полиция генерал-майоры Қайрат Дәлбеков салтанатты түрде марапаттады. Антына адал болып, еңбегі еленген қызметкерлерге сый-сияпат жасады.



«Әрқашанда, осындай батыл да батыр болыңыздар. Сіздер халықтың қауіпсіздігін, қоғамның тыныштығын сақтауда аянбадыңыздар, міндеттеріңізді мінсіз атқардыңыздар. Ең бастысы мақтауға лайықты жұмыс жасадыңыздар. Мен өз атымнан алғыс білдіре отырып, жұмыстарыңызға сәттілік, отбасыларыңызға амандық тілеймін»,-деді Қайрат Дәлбеков.

Еңбегі еленген полицейлердің қатарынан департамент бастығының орынбасары, полиция полковнигі Абдіғани Сейдуалиев те табылып, оған II дәрежелі «Айбын» ордені тапсырылды. Сондай-ақ, Президенттің марапатына Арыс АПБ бастығы, полиция полковнигі Нұрлан Исабеков, осы ауданның полиция бөлімінің полиция капитаны Нұрмаханбет Еркебаев, полиция капитаны Марс Асанбаев, полиция капитаны, Нұрсұлтан Набиалиев, полиция майоры Төлеген Рысбеков, полиция аға лейтенанты Дәулет Төретайұлы, полиция аға сержанты Жақсылық Тәттібековтер лайықты деп танылды. Оларға «Ерлігі үшін» медалі табысталды.








Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT