+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Арыста 50 күн ерікті болған қарағандылық «Құрмет» орденімен марапатталды

2019 жылғы 6 қыркүйек 17:45
Бөлісіңіз:
Арыста 50 күн ерікті болған қарағандылық «Құрмет» орденімен марапатталды

НҰР-СҰЛТАН. ҚазАқпарат – Қарағандылық футбол бапкері және оқытушы Евгений Хисметов Арыс қаласында ерікті болғаны үшін «Құрмет» орденімен марапатталды, деп хабарлайды ҚазАқпарат тілшісі.

Ұқсас жаңалықтар
Жолда қабылдау акциясы: Ақмолалықтардың мыңнан астам сауалына жауап берілді Оралда полиция қызметкері таяқшасын автокөлікке лақтырды Қазақстанда апта ішінде болған кадрлық тағайындаулар

Ол YouTube желісіндегі бейнероликтен кейін Арысқа баруды ұйғарған және 50 күн бойы қаланы қалпына келтіру жұмыстарына қатысқан.

«Бейнероликте баласын құшақтаған ер адам жол бойында кетіп барады. Оған еш көлік тоқтамайды. Әйелдер «Тікұшақ қайда? Көмектесіңдер!» деп айғайлайды. Осы көріністен кейін Арысқа барамын дедім. Әйелім қорықты. Жүгімді жинап, достарымнан қарызға ақша алып, жолға шықтым. Алғашында гуманитарлық көмек тараттым. Кейін шымкенттік жігіттермен танысып, апаттық жағдайдағы үйлерді бұзуға көмектестім. Үйіндіні КамАЗ-ға артып шығардық. Сосын қоймада таңғы 8-ден түнгі 11-ге дейін жұмыс істедім. Түнгі 2-ден 4-ке дейін құрылыс материалдарын күтіп алатынмын. Далада гипсокартонға көрпе төсеп ұйықтадық. Осылай 50 күн жұмыс істедім», - деді Е. Хисметов Ақордада тілшілерге берген сұхбатында.

Кейіпкер өз әрекетін ерлік деп ойламайды. Ол келесі жылы Арысқа қыдырып баруды жоспарлап жүр.

«Кетерде маған ерікті болды деген анықтама берді. Ол туралы ұмытып та кеткенмін. Бірақ, таныстарым мен туралы Интернетке жазыпты. Тілшілер сұхбат алды. Арыста «Құрбан Айтты» бірге тойлаған достарым бар, келесі жылы соларға қонаққа барамын. Алғашында қатты арықтап едім, кетерде тағы тойдырып жіберді», - деп қалжыңдады Евгений.

Евгений Хисметов – үш баланың әкесі, «Арыстан» жеке қайырымдылық қорының құрылтайшысы. Ол Қарағанды облысы Саран қаласындағы Арнайы мамандандырылған балалар мен жасөспірімдер мектебінде бапкер-оқытушы болып жұмыс істейді.

Айта кетейік, бүгін Ақордада Мемлекет басшысы Қасым-Жомарт Тоқаев жарылыстан кейінгі Арыс қаласын қалпына келтірген әскерилерді, дәрігерлерді, тәрбиешілер мен еріктілерді марапаттады.

Президенттің айтуынша, Арысты қалпына келтіруге 10 мың адам, 250 компания және 300-ге жуық арнайы техника жұмылдырылды. Қазіргі уақытта нысандардың 97% жөндеу жұмыстары аяқталды.


Біздің каналымызға жазылыңыз:

Басты сөздер: Қоғам, Арыс,
Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT