Арыс қаласында 6,5 мың отбасы жөнделген үйлеріне кірді

АРЫС. ҚазАқпарат - Арыс қаласында 6,5 мыңнан астам тұрғын үй қалпына келтірілді, деп хабарлайды ҚазАқпарат Түркістан облысы әкімдігінің баспасөз қызметіне сілтеме жасап.

Ұқсас жаңалықтар

Арыстың барлық мектебі жаңа оқу жылына дайын болады – министр

Арыста 60 шақырым жол толығымен қайта жөнделеді Арыстағы апат кезінде 8 жасар баланы қағып, қашып кеткен жүргізуші кінәсін мойындады Арыстық 8 жасар баланың өліміне қатысты дәрігерлер түсінік берді

«Бір айдан бері құрылыс жұмыстары қызу жүргізілуде. Қаланы қалпына келтіруге 10 мыңнан астам құрылысшы атсалысты. Бүгінгі таңда Арыс қаласындағы құрылыс жұмыстарының 90% астамы аяқталып отыр. Атап айтсақ, оның ішінде, тіршілікті қамтамасыз ететін нысандар мен инфрақұрылымдары қалпына келтірілді. 6,5 мыңнан астам тұрғын үй қалпына келтіріліп, отбасылар жөнделген үйлеріне кірді. Барлық инженерлік инфрақұрылым толық жөндеуден өткізілді. Көшелер ауқымды түрде реконструкцияланды. 62 әлеуметтік нысан, соның ішінде – ауруханалар, мектептер, балабақшалар, спорт объектілері 20 тамызға дейін дайын болады», - делінген әкімдік ақпаратында.

Сондай-ақ мәлім болғандай, зардап шеккен 7516 жер үйдің 6611-і немесе 90 пайызы жөндеуден өтті. Қалған 905 үйдің жөндеу жұмыстары 10 тамызға дейін аяқталатыны жоспарланған.

«Көпқабатты 67 үйді қалпына келтіру жұмыстарын 20 тамызға дейін аяқтау жоспарлануда. Барлық 66 әлеуметтік нысанды қалпына келтіру жұмыстары 20 тамызға дейін бітпек. Осыған орай, Штабтардың жұмысы 20 тамызға дейін жалғасады», - деді өңір әкімдігінен.

Айта кетейік, Арыс қаласын қалпына келтіруге барлық өңірлер, сондай-ақ республикалық маңызға ие қалалар да өз үлесін қосып жатыр.