Қолданушы баптаулары
Қолданушы баптаулары
+7 (701) 759 90 19 Лента
USD 378.14 EUR 429.42
RUB 5.68 CNY 55.56
Jańalyqtar

Артық салмақ жинаған ақтөбеліктерге Литва дәрігері ота жасады

2018 жылғы 14 маусым 16:44 158
Бөлісіңіз:
Артық салмақ жинаған ақтөбеліктерге Литва дәрігері ота жасады

АҚТӨБЕ. ҚазАқпарат - Ақтөбе медициналық орталығының дәрігерлері артық салмақ қосқан адамдарға ота жасау технологиясын меңгеріп жатыр. Шеберлік сабағын Литваның Каунас қаласынан келген хирург өткізді, деп хабарлайды ҚазАқпарат тілшісі.

Ұқсас жаңалықтар
Атырау облысында қызылша ауруына шалдыққандар саны 62 адамға жетті Қызылордада дәрігер жетіспеушілігі төмендеп келеді

 Ақтөбеде медициналық кластерді дамыту мақсатында әлемнің жетекші елдерінен дәрігерлер келіп, тәжірибе сабағын өткізіп жатыр. Бұл жолы Ақтөбеге Литвадан хирург Алмантас Маляскас келді. Ол Каунас қаласындағы университет емханасында жұмыс істейді. Ақтөбеге жұмыс сапары кезінде төртінші деңгейлі артық салмақ жинаған 7 адамға ота жасады. Ота лапароскопиялық әдіспен жасалып, ақтөбелік дәрігерлер тәжірибе жинады. Барлық операция онлайн режімде көрсетіліп, медициналық орталық дәрігерлері конференц-залдан қарап отырды. Профессор Алмантас Маляскастың айтуынша, артық салмақтан арылуға арналған отаның бұл түрі кең таралған.

Артық салмақ жинаған ақтөбеліктерге Литва дәрігері ота жасады 

«Ота кезінде асқазанның көлемі кішірейтіліп, негізгі қалпына келтіріледі. Мұндай отадан соң адам өз салмағын тұрақты ұстап тұра алады. Сонымен қатар, бойға жиналған артық салмақтың 75 пайызынан арылуға болады»,- деді профессор Алмантас Маляскас.

Айта кетейік, Литва дәрігері артық салмаққа душар болған 5 баланы қабылдап, кеңес берді. Хирург күзде тағы келіп, бірнеше ота жасап, ақтөбелік дәрігерлер тәжірибе жинайды. Ал Ақтөбе медициналық кластерін дамыту мақсатында бауыр, бүйрек ауыстыру отасы Оңтүстік Корея дәрігерлерінің көмегімен жасалды. Сонымен қатар, Ресей дәрігерлері де өз тәжірибелерімен бөліседі. Еуропаның жетекші елдерінен тәжірибе жинау жұмысы әрі қарай жалғасады. 

 

 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
MURAǴAT