+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Армения президенті елде қалыптасқан жағдайға байланысты халыққа үндеу жариялады

2021 жылғы 25 ақпан 22:36
Бөлісіңіз:
Армения президенті елде қалыптасқан жағдайға байланысты халыққа үндеу жариялады

ЕРЕВАН. ҚазАқпарат – Армения президенті Армен Саркисян мемлекетте қалыптасқан жағдайға байланысты республика халқына үндеу жариялады, деп хабарлайды ҚазАқпарат «Арменпресс» агентігіне сілтеме жасап.

Ұқсас жаңалықтар
Румен Радев Болгарияның президенті болып қайта сайланды Болгарияда туристер автобусы апатқа ұшырап, 45 адам қаза тапты Германия мен Аустрия коронавирусқа қатысты шектеуді күшейтті

«Елде қиын жағдай туындады. Оның салдары мемлекетіміздің болашағына қауіп төндіреді. Арменияда әскери жағдай жарияланды. Мен мемлекетіміздің барлық күш құрылымдарын, саяси күштерді, азаматтарды жағдайды салмақты бағалап, ақылға келуді сұраймын. Қазір ойланбай айта салған кез келген сөз жағдайды одан сайын ушықтыра түседі. Барлығыңызды қырағы болуға шақырамын»,-деді ел басшысы.

Арменияда осы кезде саяси жағдай шиеленісіп тұр. Таң ата Армения астанасының әр бөлігінде тәртіпсіздіктер болып, тұрғындар ел Премьер-Министрі Никол Пашинянның қызметінен кетуін талап етті. Демонстранттар бірқатар қала көшелерін жауып тастады.

АР Қарулы Күштерінің Бас штабы мәлімдеме жасап, онда Бас шатабтың бірінші орынбасары Тиран Хачатрянның қызметінен кетуіне қарсы екендіктерін айтты.

Армения Премьер-Министрі Никол Пашинян АР ҚК Бас штабтың мәлімдемесін әскери төңкеріс деп бағалап, өзінің жақтастарының барлығын алаңға шығуға шақырды.


Біздің каналымызға жазылыңыз:

Бөлісіңіз:

Автор:

Айдар Оспаналиев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT