+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Архимед Мұхамбетов азық-түлік бағасының өсуіне жол берген әкімдерді сынға алды

2019 жылғы 23 қыркүйек 14:34
Бөлісіңіз:
Архимед Мұхамбетов азық-түлік бағасының өсуіне жол берген әкімдерді сынға алды

ҚОСТАНАЙ. ҚазАқпарат – Архимед Мұхамбетов өңірдегі азық-түлік бағасының көтерілуіне жол бермеу үшін кешенді шаралар қабылдауды тапсырды, деп хабарлайды ҚазАқпарат.

Ұқсас жаңалықтар
Павлодарда азық-түлік бағасы арзандады Қазақстанда жаңа піскен жемістің бағасы арзандады Әлеуметтік маңызы бар азық-түліктердің қымбаттағанын хабарлауға болатын портал құрылады

Республикадағы ұн өнімдерінің 30%-тен астамы Қостанай облысында өндіріледі. Соған қарамастан, облыста жыл басынан бері ұн өнімдері мен күріш, қарақұмық, картоп, сәбіз, картоп, жуа, сары май, ет, сүт тауарларының бағасы едәуір қымбаттаған. Әсіресе, әлеуметтік маңызы бар азық-түлік бағасының көтерілуі жұртты алаңдатып отыр. Облыс әкімі Архимед Мұхамбетов аппарат мәжілісінде осы мәселе бойынша тиісті басқарма басшылары мен әкімдерге бірқатар тапсырма берді.

Ауыл шаруашылығы басқармасының басшысы Жасұлан Тәукеновтың айтуынша, ұн және сүт өнімдерінің қымбаттауына шикізат құнының өсуі ықпал еткен. Соңғы уақытта бидайдың бағасы тоннасына 60 мыңнан 75 мың теңгеге, сүттің литрі 90-нан 110 теңгеге өскен. Кейбір аудандар мен қала әкімдіктері бағаны тұрақтандыру шараларын дұрыс жүргізбей отыр. Мәселен, облыс орталығында бірінші сұрыпты ұн 163 теңге, Қамысты ауданында бірінші сұрыпты бір бөлке нан 85 теңге тұрады.

«Биыл облыста әлеуметтік маңызы бар азық-түлік тауарларының қымбаттауына жол бермеу мақсатында 376 жәрмеңке ұйымдастырылып, нәтижесінде 5 мың тоннаға жуық өнім нарық бағасынан 15-20% төмен бағаға саудаланған. Қыркүйек айының соңында аудан шаруашылықтарының қатысуымен тағы бір жәрмеңке ұйымдастырылмақ. Бағаны тұрақтандыру мақсатында өңірдегі азық-түлік өнімдерін шығаратын ірі кәсіпорындарға Қостанай және Рудный қалаларында 208 сауда орны мен 120 сауда сөрелері бөлінген. Бұл жергілікті өнімді ешбір делдалсыз тікелей тұтынушыға арзан бағамен сатуға қол жеткізіп отыр», - деді басқарма басшысы.

Облыс басшысы азық-түлік бағасының негізсіз қымбаттауына жол берген қала, аудан басшыларын сынға алып, Қамысты ауданында нан бағасын, Қарабалық ауданында сұйық майдың бағасын арзандатуға бір жеті уақыт берді.

«Бүгінде облыстың тұрақтандыру қорында азық-түлік жеткілікті. Арзан ұн мен майды содан алу керек. Кейбір азық-түліктің бағасы өсіп барады. Бағаны тежеу үшін нақты, кешенді шаралар қолданылу қажет. Ең бірінші кезекте, нан бағасын тұрақты ұстап тұру қажет. Биылғы қуаңшылық нанның қымбаттауына негіз болмау керек. Облыс 4 жыл бойы жақсы егін алды. Соның арқасында жергілікті диірмендер материалдық базасын нығайтып, едәуір қоң жинап алды. Енді, әсіресе, бірінші сортты ұнның қымбаттамауы соларға жүйктелуі тиіс. Әр диірменге бір-бір ауданнан бекітіп, сол аудандағы нан бағасын тұрақты ұстап тұруды тапсыру қажет. Жалғыз ауыл шаруашылығы жәрмеңкелерін ұйымдастыру арқылы ғана бағаны тұрақтандыра алмаймыз», - деді облыс әкімі.

Архимед Мұхамбетов халық көп баратын ірі сауда орындарындағы әлеуметтік маңызы бар азық-түлік тауарларының бағасын қатаң бақылауда ұстауды тапсырды.


Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT