Қолданушы баптаулары
Қолданушы баптаулары
+7 (701) 759 90 19 Лента
USD 377.11 EUR 424.21
RUB 5.91 CNY 56.19
Jańalyqtar

Әрбір мемлекеттік қызметкер өз ұстанымына берік болуы керек - Нұрлан Ноғаев

2018 жылғы 8 желтоқсан 22:14 604
Бөлісіңіз:
Әрбір мемлекеттік қызметкер өз ұстанымына берік болуы керек - Нұрлан Ноғаев

АТЫРАУ. ҚазАқпарат - Атырауда xалықаралық сыбайлас жемқорлыққа қарсы күрес күніне орай облыстық форум өтті, деп xабарлайды ҚазАқпарат өңірлік коммуникациялар қызметіне сілтеме жасап. 

Ұқсас жаңалықтар
Мемқызмет көрсетудегі жаңалықтар тұрғындарға көп жеңілдік жасайды - Мәжіліс төрағасы Мемлекеттік қызмет істері агенттігі «Сұрақ-жауап» видеоайдарын іске қосты

Бұл күн 2004 жылдан бастап БҰҰ Бас Ассамблеясының жарлығымен жыл сайын аталып өтеді.

Іс-шараны ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша департаменті жылма-жыл ұйымдастырып келеді. Аталған форумға барлық мемлекеттік орган басшылары, қала және аудан әкімдер, саяси партиялар мен ҮЕҰ өкілдері қатысты.

Салтанатты шарада сөз алған облыс әкімі Нұрлан Ноғаев сала қызметкерлеріне тілегін білдірді.

«Елбасының Қазақстанның бәсекеге қабілетті болуы туралы тапсырмаларында кез-келген мемлекеттік қызметкерге заңда көрсетілген талаптарды іс жүзінде жүзеге асыру міндеттелген. Жемқорлыққа қарсы күрес шаралары тек агенттікпен шектелмеуі қажет. Әрбір мемлекеттік қызметкер өз лауазымына тағайындалған күннен бастап өз ұстанымдарына берік болуы керек. «Тура биде туған жоқ, туғанды биде иман жоқ» демекші, агенттік қызметкерлері де қабылдаған шешімдеріне әділ, лауазымдық міндеті мен азаматтық ұстанымына адал болғаны ләзім», - деді Нұрлан Ноғаев.

Шара барысында өңір басшысы xалық арасында сыбайлас жемқорлыққа қарсы мәдениетті қалыптастырып жүрген үздік журналистік жұмыстар байқауының жеңімпаздарын «Үздік арнайы сюжет», «Үздік шеф редактор», «Үздік журналист» номинациялары бойынша марапаттады.

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің  Атырау облысы бойынша департаменті басшысы Тоқтамыс Жұмағұловтың мәлімдеуінше, облыста жыл басынан 1500-ден аса алдын-алу шаралары өткізілген.

«Сыбайлас жемқорлықпен күресте қоғам мен мемлекеттің күш-жігерін біріктіру маңызды рөл атқарады. Облыста азаматтардың құқықтық сауаттылығын арттырып, жемқорлыққа қарсы мәдениетін және қылмыстың алдын-алу деңгейін көтеруге бағытталған жобалар жалғасын таба бермек»,- деді Тоқтамыс Жұмағұлов.

Баяндамадан кейін жемқорлыққа қарсы іс-қимыл жұмыстарына өзіндік үлесін қосқан ҮЕҰ өкілдері Әдеп жөніндегі кеңес төрағасының алғыс xаттарымен марапатталды.  

 

 

 

 

 

Біздің каналымызға жазылыңыз:

Бөлісіңіз:

Автор:

Абай Абылайұлы

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
MURAǴAT