Аралда жолда қалып қойған жолаушылар құтқарылды
Арал ауданы №3 мамандандырылған өрт сөндіру бөлімінің байланыс бекетіне жолаушылардың жолда қалып қойғаны жөнінде хабар түскен.
Оқиға орнына жедел жеткен құтқарушылар «Mercedes-Benz» маркалы жеңіл автокөлігінің «Самара-Шымкент» автожолының 1417 шақырымында жолда қалып қойғанын анықтады. Көліктің қозғалтқыш бөлігі бұзылып, істен шыққан.
«Жолаушылар Атырау қаласынан Түркістанға бағыт алған. Құтқарушылардың күшімен 2 жолаушы Қамыстыбас елді мекеніне жеткізілді. Олар медициналық көмекті қажет еткен жоқ. Ақаулы автокөлік эвакуатормен үйлеріне қайтарылды», - деп мәлім етті Қызылорда облысы Төтенше жағдайлар департаментінің Өрт сөндіру және авариялық құтқару қызметі.
Бұған дейін Аралда қалқымалы көпірдің жылжып кетуінен жол қатынасы үзілгендігі хабарланған болатын.