+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Аралда танауқұрт ауруынан 30-дан астам түйе өлді

2020 жылғы 31 мамыр 13:30
Бөлісіңіз:
Аралда танауқұрт ауруынан 30-дан астам түйе өлді

АРАЛ. ҚазАқпарат - Қызылорда облысы Арал ауданында ауру салдарынан мамыр айында түйелердің өлімі тіркелді, деп хабарлайды ҚазАқпарат тілшісі.

Ұқсас жаңалықтар
Дүниежүзілік банк Қазақстанға мал шаруашылығын дамытуға $500 млн беруге шешім қабылдады Қарағандыда ферма жылқы алуға берілген 26 млн теңгені басқа нәрсеге жұмсаған

Мәлім болғанындай, бүгінге дейін 30-дан астам түйе өлген. Бұл жағдайды мамандар «цефалапиноз» жұқпалы емес паразитарлық ауруына шалдығу жағдайымен түсіндіреді. Оны ел ішінде танауқұрт деп атайды. Ауданның қыр беткейіндегі Сексеуіл, Сазды, Октябрь, Қосаман, Жақсықылыш, Қарақұм, Жіңішкеқұм елді мекендеріндегі түйелер аталған ауру салдарынан қрылған.

«Биылғы жылдың мамыр айында Арал ауданының бірнеше елді мекенінде түйелердің өлуі тіркелген. Осы бағытта Арал аудандық ветеринарлық станцияның мамандары ауру ошағында эпизотиялық зерттеу шараларын жүргізді. Нәтижесінде оған «цефалапиноз» (танауқұрт) жұқпалы емес паразитарлық ауруы себеп болғаны анықталды. Жаз мезгілінде бөгелек, сона, маса, шыбындар ұшу кезінде түйелердің мұрын қуысына личинкасын тастайды. Күз, қыс айларында личинкалар мұрын қуысында дамып, ересек құрттарға айналады. Құрттар тыныс жолын жауып, тұншықтырады. Соның салдарынан түйелер азық шайнай алмай, аузын ашып дем алады. Күйісінен жаңылады, басын шұлғи береді. Осылай мал көмейін паразиттер бітегеннен кейін тұншығып (асфиксия), тұрған түйе бірден құлап өледі», - деп мәлім етті Қызылорда облыстық ветеринария басқармасының мамандары.

Олардың айтуынша, бұл - паразиттік ауру болғандықтан ол ҚР Ауыл шаруашылығы министрінің «Профилактикасы, диагностикасы және жойылуы бюджет қаражаты есебiнен жүзеге асырылатын жануарлардың аса қауiптi аурулар» тізбесіне енгізілмеген.

«Сондықтан алдын алу және емдеу шаралары мал иесінің өз қаражаты есебінен жүргізіледі. Қызылорда қаласы мен аудандардың барлық ветеринариялық дәріханаларында ауруға қарсы, емдік дәрі-дәрмектер (ветеринариялық препараттар) жеткілікті мөлшерде арзан бағада сатылып жатыр. Ауырған түйе малдарына емдік шаралар жүргізілуде», - деді ведомство өкілдері.

Сондай-ақ, Қызылорда облысында жол бойында көліктердің мал қағуы жиілеген.


Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT