Қолданушы баптаулары
Қолданушы баптаулары
+7 (701) 759 90 19 Лента
USD 386.04 EUR 427.77
RUB 5.88 CNY 54.45
Jańalyqtar

Аралда полицей кәріз құдығындағы суға батқан сәбиді құтқарды

2019 жылғы 17 шілде 17:01 382
Бөлісіңіз:
Аралда полицей кәріз құдығындағы суға батқан сәбиді құтқарды

АРАЛ. ҚазАқпарат - Қызылорда облысы Арал ауданында тұратын полиция қызметкері Дәуренбек Жанайбеков кәріз құдығына құлаған бір жарым жастағы сәбиді құтқарып қалды, деп хабарлайды ҚазАқпарат тілшісі.

Сол күні Дәуренбек жұмысынан келіп үйде түс әлетінде демалып жатқан. Осы бір сәтте ол сырттағы айқай-шуды естіді. Жалма-жан сыртқа шығып, оқиғаның жәй-жапсарына қанығып үлгерді.

Көрші үйдің ес біліп қалған баласы Дамир кәріз құдығы жақты нұсқады. Дәуренбек оның беті ашық тұрғанын көрді. Оның ішінде екі метрдей төменде сәби лас суға түсіп кеткен екен.

«Лас суға түсіп кеткен сәби біраз есін жоғалтып алған секілді. Әлсіз қолдарын ербеңдетіп қояды. Оны бірден ұстап алуға мүмкіндік болған жоқ. Құдық ішіндегі тымырсық ауа да еркін қимыл жасауға мүмкіндік берер емес. Әйтеуір бүлдіршінді лас судан шығарып сыртта тұрған адамдарға беріп үлгердім», - деді Дәуренбек.

Кәріз құдығы ішіндегі ауа оны әлсіретіп жіберді. Өзінің одан шығуға мүмкіндігі болған жоқ. Сол жерде есінен танып құлап қалды. Оны сырттағы жігіттер құдықтан шығарып алды. Одан кейін Дәуренбек ауруханада жансақтау бөлімінде ем алды. Құдықтағы судан құтқарылған балаға да дәрігерлер медициналық көмек көрсетті.


Біздің каналымызға жазылыңыз:

Басты сөздер: Қылмыспен күрес, Оқиға,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT