USD 434.34 EUR 491.93
RUB 5.56 CNY 68.67
Jańalyqtar

Аралда «Балықшылар» саябағы ашылады

2021 жылғы 6 қазан 23:06
Бөлісіңіз:
Аралда «Балықшылар» саябағы ашылады

ҚЫЗЫЛОРДА. ҚазАқпарат - Қызылорда облысы Арал ауданында «Балықшылар» саябағы ашылады, деп хабарлайды ҚазАқпарат тілшісі.

Облыс әкімі Гүлшара Әбдіқалықова Арал ауданына жасаған жұмыс сапары барысында бірқатар әлеуметтік-мәдени нысандардың аралап, зиялы қауым өкілдерімен кездесті. Алдымен өңір басшысы аудан орталығында орналасқан «Суреттер сыр шертеді» тарихи мұражайында болды. Мемлекет және қоғам қайраткері Құдайберген Саржанов облыс әкіміне 500-ге жуық сурет пен тарихи жәдігер жинақталған музей жұмысымен таныстырды.
Аймақ басшысы өңірдің тарихи-мәдени әлеуетін көтеріп, жас ұрпақты тәрбиелеуде мұражайлар мен кітапханалардың, ондағы жәдігерлер және кітап қорын көбейту ісі үлкен маңызға ие екендігін атап өтті.
Мұражайда балықшылардың тарихи фотосуреттері, елге, облыс пен ауданға танымал қоғам қайраткерлерінің фото жинағы, Арал теңізінің тарихы және Құдайберген Саржановтың жеке экспонаттары қойылған.
Облыс әкімі аудандағы қайта жаңғыртылған «Балықшылар» мұражайында мемлекет және қоғам қайраткерлері Құдайберген Саржанов, Биғали Қаюпов, білім саласының ардагері Нұралы Оспанов, аудандық ардагерлер кеңесінің төрағасы Әділбек Әйімбетовпен бірге музейді аралап, ішіндегі эскпозициялық жұмыстарды көрді.
«Балықшылар» мұражайында 2000-нан аса құнды жәдігерлер жинақталған. 2012 жылы пайдалануға берілген нысанда 11 маман қызмет атқарады. Музейде облыстық бюджеттен бөлінген 86 миллион теңге қаржыға реэкспозициялық жұмыстар жүргізілген.
Аймақ басшысы ғимарат ауласында жаңадан салынатын «Балықшылар» саябағының эскиздік жобасын көріп, аспан астындағы мұражаймен танысты.
Мұнан кейін облыс әкімі «Арал» индустриалды-техникалық колледжіне барды. Кәсіптік білім беретін мекеменің тігін цехында арнайы киім үлгісін тігіп жатқан жастармен кездесті. Колледжде «Жас маман» жобасы аясында тігінші және электр дәнекерлеуші мамандығы ашылған. Бұл ретте тігін ісін жандандыру үшін италиялық және жапондық компаниялардың құрылғылары сатып алынған.
Колледжде балықты қайта өндеу мамандарын дайындауға мән берілді. Колледж базасында Құдайберген Саржанов облыс әкіміне кәсіптік оқу саласында балық шаруашылығын жандандыру мақсатында балықшы, балық өсіру, қайық жүргізуші, қайық жөндеуші мамандықтарын оқыту туралы ұсынысын айтты.


Біздің каналымызға жазылыңыз:

Бөлісіңіз:

Автор:

Әділжан Үмбет

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT