Аралас жекпе-жек шебері Әли Қабдулла беделді промоушнде нокаутпен жеңіске жетті

АСТАНА. ҚазАқпарат - Қазақстандық спортшы Әли Қабдулла (8-1-1) Бангкокте өткен ONE Friday Fights 18 турнирінде өнер көрсетіп, қарсыласын нокаутқа жіберді, деп хабарлайды ҚазАқпарат Sports.kz сайтына сілтемемен.

Әли Қабдулла бразилиялық файтер Ричард Годоймен (15-4) айқасты. Бұл жекпе-жек жеңіл салмақта өтті, үш раундқа есептелген. Онда қазақстандық техникалық нокаутпен үшінші раундта жеңді.

Әли Қабдулла ММА-дегі кәсіби мансабында тоғызыншы рет жеңіске жетті, ал Ричард Годой бесінші рет жеңілді. Әли Қабдулла соңғы айқасын екі ай бұрын өткізген болатын: наурызда қазақстандық бразилиялық Алиссон Барбозамен (20-9) айқасып, үшінші раундта нокаутқа түсірген болатын