Апаттан кейін Екібастұзды жылумен қамту қалай жүргізіледі

АСТАНА. ҚазАқпарат – Екібастұзды жылумен жабдықтау жүйесінің жай-күйіне техникалық аудит жүргізіледі. Бұл туралы Павлодар облысы әкімінің міндетін атқарушы Әбілқайыр Сқақов айтты, деп хабарлайды ҚазАқпарат тілшісі.

«Әрине, сәуір айына дейін ОАЭК бас компаниясы мен «Екібастұз жылу энергиясы» еншілес компаниясы жылу режимін толық қамтамасыз ететін болады. Сонымен қатар, біз бүкіл жылумен жабдықтау жүйесінің жай-күйіне техникалық аудит жүргіземіз, бұл көктем-жаз кезеңінде ең әлсіз учаскелерде компания тиісті жөндеу жұмысын барынша басым тәртіппен жүргізуі үшін қажет. Бірақ бұл жерде болжам жасау қиын екенін түсінуіміз керек. Сондықтан инвестицияның орнына ұзақмерзімді тариф бағдарламасы болуы керек, содан кейін пайдалану жүйесі қайта қаралуы керек, ол үшін қазір техникалық қадағалау комитеті мен тәуелсіз сарапшылар қорытынды жасап жатыр», - деді Ә. Сқақов Екібастұзда өткен баспасөз конференциясында.

Бұған дейін Премьер-Министрдің орынбасары Серік Жұманғарин кешке дейін барлық көпқабатты үйлерге жылу берілетінін айтқан еді.

Сондай-ақ, Екібастұзда таратылған электр жылытқыштар тұрғындардың меншігінде қалады.

Фото: Константин Шелков