+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Антирекорд: Ресейде бір тәулікте 1 075 адам коронавирустан көз жұмды

2021 жылғы 23 қазан 18:11
Бөлісіңіз:
Антирекорд: Ресейде бір тәулікте 1 075 адам коронавирустан көз жұмды

МӘСКЕУ. ТАСС-ҚазАқпарат – Ресейде бесінші күн қатарынан коронавирустан қайтыс болғандар саны бойынша рекорд жаңарып отыр – өткен тәулікте вирустан 1 075 адам көз жұмды. Бір күн бұрын бұл көрсеткіш 1 064 болған. Аталған деректерді Жаңа вируспен күрес жөніндегі федералды жедел штаб жариялады, деп хабарлайды ҚазАқпарат ТАСС агенттігіне сілтеме жасап.

Ұқсас жаңалықтар
АҚШ-тың 10 штатында коронавирустың омикрон штаммы анықталды Өткен тәулікте 112 адам коронавирус пневмониясына шалдыққан Коронавирусқа шалдыққан 349 науқастың жағдайы ауыр -Денсаулық  министрі

Штаб деректеріне сай, пандемияның басынан бері вирустан барлығы 229 528 адам көз жұмған. Шартты өлім үлесі (нақты үлесі эпидемия аяқталғаннан кейін белгілі болады) – 2,8%.

Атап айтқанда, бір тәулікте Мәскеуде 82, Санкт-Петербургте 67, Краснодар өлкесі мен Нижегород облысында 42-ден, Башқұртстанда 35, Ростов, Свердлов облыстары мен Ставрополь өлкесінде 34 адамнан қайтыс болды.

Жаңа жағдайлар саны бір тәуліктің ішінде 37 678-ге өсіп, 8 205 923-ке жетті. Бұл да пандемияның басынан бергі ең жоғары көрсеткіш.

Осылайша, елдегі жұқтырғандар саны бойынша рекорд қатарынан үш рет жаңарып отыр. Жұқтырғандар үлесі 0,46%-ға артты.

Атап айтқанда, бір тәуліктің ішінде Мәскеу облысында 2 783, Самара облысында 997, Нижегород облысында 761, Воронеж облысында 729, Башқұртстан Республикасында 667 жағдай тіркелді.

Штаб деректеріне сай, белсенді жағдайлар саны 833 318-ге өскен.

Ал жазылып шыққандар саны бір тәуліктің ішінде 26 077-ге өсіп, 7 143 137-ге жетті. Жазылып шыққан науқастар үлесі 87%-ға дейін төмендеген.

Атап айтқанда, Мәскеуде ауруды жеңгендер саны 3 986, Санкт-Петербургте 2 887, Мәскеу облысында 2 333, Қырымда 823, Самара облысында 752, Башқұртстан мен Ульянов облысында 649 пен 630-ға көбейген.

Мәскеудің өзіне келер болсақ, онда коронавирус жұқтырғандар саны бір тәуліктің ішінде 7 803-ке өсіп, 1 761 650-ге жеткен. Бір күн бұрын бұл көрсеткіш 8 166 болған. Жұқтырғандар үлесі – 0,45%.

Ал қайтыс болғандар саны бір тәулікте 82-ге өсті, күн бұрын бұл көрсеткіш 79 болған. Барлығы қалада 30 619 адам (жұқтырғандардың 1,74%-ы) қайтыс болған, делінген штаб деректерінде.

Жазылып шыққандар саны Мәскеуде бір тәулікте 3 986-ға өсіп, 1 556 721-ге жеткен. Штабтың хабарлауынша, қазіргі кезде ел астанасында 174 310 адам ем алып жатыр.


Біздің каналымызға жазылыңыз:

Бөлісіңіз:

Автор:

Бибіхан Серікова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT