+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

AntikorLIVE алаңында БАҚ және азаматтық қоғамның рөлі талқыланды

2021 жылғы 13 мамыр 12:02
Бөлісіңіз:
AntikorLIVE алаңында БАҚ және азаматтық қоғамның рөлі талқыланды

НҰР-СҰЛТАН. ҚазАқпарат – Қазақстан халқы Ассамблеясы Төрағасының орынбасары, «Qazaq TV» телеарнасының директоры Майя Бекбаева мен Қазақстан Азаматтық альянсының президенті Бану Нұрғазиева AntikorLIVE алаңындағы сыбайлас жемқорлыққа қарсы іс-қимылдың маңызды бағыттары туралы айтып берді, деп хабарлайды ҚазАқпарат.

Онлайн режимде сарапшылар халықтың сыбайлас жемқорлыққа қарсы мәдениетін қалыптастыру жөнінде өз пікірлерімен бөлісті. Осыған байланысты «Qazaq TV» телеарнасының директоры Майя Бекбаева сыбайлас жемқорлық деңгейін төмендету шараларын ақпараттық қолдауда ақпарат құралдарының маңыздылығын айтты.

«Сыбайлас жемқорлыққа қарсы күрес – бүгінгі күні қоғамның алдында тұрған негізгі сын-қатердің бірі. Бұқаралық ақпарат құралдары мінез-құлық стереотиптерін қалыптастырып, қоғамдағы тенденцияларға әсер ететінін ескерсек, бұл жұмыста бұқаралық ақпарат құралдарының рөлі өте маңызды», - деді Майя Бекбаева.

Ол сондай-ақ сыбайлас жемқорлыққа қарсы іс-қимыл шаралары жайында халықты хабардар етуге сапалы бағдарламалар қажеттігін айтты. Спикердің пікірінше, сарапшылар мен азаматтық сектор пікір алмасуға қатыса алатын диалог алаңдарын, оның ішінде әлеуметтік желіде құру тиімді болады.

AntikorLIVE алаңындағы талқылаудың тағы бір тақырыбы сыбайлас жемқорлыққа қарсы іс-қимылдағы азаматтық қоғамның рөліне арналды. Қазақстанның Азаматтық альянсының президенті Бану Нұрғазиева азаматтық қоғамның белсенділігі, қоғамдық бақылау және сыбайлас жемқорлыққа қарсы іс-қимылдағы ҮЕҰ рөлі туралы сұрақтарға жауап берді. Сондай-ақ спикер «Қоғамдық бақылау туралы» ҚР заң жобасының мазмұны бойынша жұмыс тобының атқарған жұмысы туралы айтып берді.


«Заң жобасы аясында, егер қоғамдық бақылау нысаны анықталған заң бұзушылықтар, ұсынымдар немесе ескертулер бойынша ақпарат алса, 10 жұмыс күні ішінде жүргізілген жұмыс туралы жазбаша жауап беруі тиіс. Заң аясында бұл бақылау нысанының міндеті», – деді Бану Нұрғазиева.

Қазақстанның Азаматтық альянсының президенті қазіргі таңда азаматтық қоғам сыбайлас жемқорлыққа қарсы іс-қимыл процесіне қоғамдық кеңестер мен мониторинг топтары арқылы тартылып жатқанын да тілге тиек етті.

Айта кету керек, AntikorLIVE алаңы ҚР Сыбайлас жемқорлыққа қарсы іс-қимыл агенттігі құрған тұрақты диалог алаңы саналады. Спикерлер ретінде үкіметтік емес ұйымдардың, мемлекеттік органдардың, Adaldyq Alany жобалық кеңселерінің өкілдері сөз сөйлейді.


Біздің каналымызға жазылыңыз:

Бөлісіңіз:

Автор:

Гүлзат Ақжолова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT