+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Аңсаған Мұстафа Қытайдағы қандастарымызға шеберлік сыныбын өткізбекші

2017 жылғы 23 сәуір 12:45
Бөлісіңіз:
Аңсаған Мұстафа Қытайдағы қандастарымызға шеберлік сыныбын өткізбекші

АСТАНА. ҚазАқпарат - Әлеуметтік өзекті тақырыптар арқау ететін суретші Аңсаған Мұстафа Қытайдағы Мори Қазақ автономиялық ауданынан шақырту алды, деп хабарлайды ҚазАқпарат.

«Ішкі Қытайда Мори деген жер бар екен. Сол жерде 6 000 қазақ тұрады екен. Сол жердегі қазақтар менімен кездескісі келіп, мастер-класс өткізуді сұрап шақырды», деп жазады елордалық суретші Фейсбуктегі парақшасында.

Әлеуметтік желілерде Аңсаған Мұстафаның әр жаңалыққа, көтерілген проблемаларға арнап салынған суреттермен қатар, көбіне өз суреттері арқылы қалың оқырманның назарын жаңа тақырыпқа аударып, тың мәселелердің басын қозғап келеді. Оның қазақ жастарына арнап салынған суреттері түрік, жапон, грузин, қырғыз, ағылшын, орыс және тағы да басқа оншақты тілдерге аударылып, әлемге тарады.

«Қытайға суреттерімді өткізе ме екен? Жалпы ойлап едім, көрме Алматы, Астана, Талдықорған, Шымкент, Тараз, Атырау, Теміртау, Қызылордада өтті ғой. Енді туған жерім Оралдан шақырса, ауылымның бір ақсақалы шалы батасын берсе, Әзербайжанға тартып кетсем деп жүрмін. Енді бұйырса шет елге барамын», - деп жазды суретші.

Жазбаға пікір қалдырған Қытайдан келген қандасымыз журналист Ұларбек Дәлейұлы: « Мори ішкі Қытайда емес, Үрімжіге (қаласына) жақын жер. Негізінен қазақтар қоныстанған. Қазақы қолөнермен, кестемен даңқы шыққан жер. Қорықпай барып қайтсаңыз болады», деп пікір білдірді.

Біздің каналымызға жазылыңыз:

Бөлісіңіз:

Автор:

Жәнібек Амангелді

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Үмбет Шолпан
Үмбет Шолпан
954-059

MURAǴAT