Анкарада түркітілдес елдердің ынтымақтастығы талқыланды

НҰР-СҰЛТАН. ҚазАқпарат – Қазақстан Елшісі Абзал Сапарбекұлы және Түркі кеңесінің Бас хатшысы Бағдат Әміреев Түркия Республикасының Вице-Президенті Фуат Октаймен кездесті, деп хабарлайды ҚР СІМ баспасөз қызметі.

Ұқсас жаңалықтар

Қазақстан мен Өзбекстан медицина саласында ынтымақтастықты нығайтады

Қазақстан Елшісі Аустрияның Федералдық Президентіне сенім грамоталарын тапсырды 2020 жылы Қазақстан-Түркия сыртқы сауда айналымы 3 млрд доллардан асты 29 жыл бұрын Қазақстан Біріккен Ұлттар Ұйымына мүше болды

Кездесуде түркітілдес мемлекеттердің ынтымақтастығы жан жақты талқыланды. Атап айтқанда Түркі кеңесінің түркітілдес елдердің интеграциясындағы айрықша рөліне тоқталды.

Сондай-ақ, алдымыздағы уақытта түбі бір түркі жұртының рухани бесігі - Түркістанда өткізілуі жоспарланған Түркі кеңесінің бейресми саммиті егжей-тегжейлі талқыға салынды.

Бұдан бөлек, Қазақстан мен Түркия арасындағы екіжақты ынтымақтастықтың стратегиялық маңыздылығы аталып, күн тәртібіндегі өзекті мәселелер бойынша пікір алмасылды. Әсіресе, саяси, сауда-экономикалық, инвестициялық және тағы басқа салалардағы ықпалдастықтың тиімді тетіктері талқыланып, осы бағыттағы жұмыстарды бауырлас халықтардың игілігі үшін бұдан әрі жалғастыру келісілді.

Сонымен қатар, Қазақстан Премьер-Министрі Асқар Мамин мен Түркия Вице-Президенті Фуат Октайдың тең төрағалығындағы Үкіметаралық экономикалық комиссияның іс-шаралары жоспарының орындалу барысы және алдағы уақытта онлайн форматта өтетін басқосудың күн тәртібі тілге тиек болды.