Анджей Дуда Польша президенті болып қайта сайланды - exit poll

ВАРШАВА. ҚазАқпарат – Польшаның іс басындағы басшысы Анджей Дуда президент сайлауының екінші кезеңінде 50,4 пайыз дауыс жинап, жеңіске жетті. Оның қарсыласы – Варшава мэрі Рафал Тшасковский электораттың 49,6 пайыз дауысына ие болды. Бұл - exit poll нәтижесі, деп хабарлайды ҚазАқпарат PAP агенттігіне сілтеме жасап.

Еxit poll мәліметтері жергілікті уақыт бойынша сағат 21.00-де жарияланды.

Польшаның Мемлекеттік сайлау комисиясы ресми нәтижелерді 13 шілде күні мәлім етпек.

Польшадағы президент сайлауы екі кезеңмен өтті. Алғашқысы 28 маусымда болды.

Елдегі ең жоғары лауазымға 11 кандидат үміткер болды. Екінші кезеңге солардың екеуі өтті - іс басындағы президент Анджей Дуда. Оны биліктегі - «Құқық және әділдік» партиясы қолдап отыр. Сондай-ақ «Азаматтық платформа» ірі оппозиялық партиясынан Варшава мэрі Рафал Тшасковский бар.